ماہنامہ انوار مدینہ لاہور اگست 2003 |
اكستان |
 |
درس حدیث حضرت اقدس پیر و مرشدمولانا سید حامد میاںصاحب رحمہ اللہ کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈ کے زیرِانتظام ماہ نامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے اللہ تعالی حضرت اقدس کے اس فیض کو تا قیا مت جاری و مقبول فرمائے ۔(آمین ) اتباعِ سنت ہی میں برکت ہے ۔سب ازواجِ مطہرات فضیلت والی ہیں اللہ تعالیٰ اور جبرئیل علیہ السلام کی جانب سے حضرت خدیجہ کو سلام اور بشارت تخریج و تزئین : مولانا سےّد محمود میاں صاحب کیسٹ نمبر٤١ سائیڈاے /٨٤۔١٠۔١٢ الحمد للہ رب العالمین والصلٰوة والسلام علی خیر خلقہ سیدنا ومولانا محمد وآلہ واصحابہ اجمعین امابعد! حدیث شریف میں ازواجِ مطہرات کے مناقب بھی آئے ہیں اور ازواجِ مطہرات کے ذریعے جو علم عورتوں کے متعلق حاصل ہواہے وہ بہت بڑا ہے اس میں ایسے مسائل ہیں جن کا تعلق پاکی ناپاکی سے بھی ہے ، اگر انسان پاک نہ ہو تو نہ اُس کی نماز ہے نہ روزہ ہے مطلب یہ ہے کہ عبادتیں اس کی ناپاک ہونے کی وجہ سے یا ہوںگی ہی نہیں یا مکروہ ہوں گی تو یہ مسائل ازواجِ مطہرات سے معلوم ہوئے ہیں ۔ آپ ۖ کی زندگی کے دوپہلو : اس طرح رسول کریم علیہ الصلٰوة والتسلیم کی زندگی کے دو پہلو ہیں ایک وہ جو سب کے سامنے ہے یعنی صحابہ کرام میں تشریف فرماہیں مسجد میں تشریف فرماہیں جہاد کے لیے جا رہے ہیں تو وہ باتیں تو سب صحابہ کرام نے دیکھی اس میں خطبہ ارشاد فرمارہے ہیں تو یہ سب باتیں صحابہ کرام نے دیکھی ہیں اور بیشتر روایتیں صحابہ کرام سے لی گئی ہیں اور ان پر زیادہ اعتماد کیا گیا ہے کیونکہ وہ مرد تھے اور قریب تھے سننے میں ۔حیاتِ طیبہ کا دوسرا حصہ وہ ہے جو آپ گھر میں گزارتے تھے وہ کیسا تھا ،وہ کچھ مردوں سے بھی منقول ہے مثلاً حضرت عبداللہ ابن عباس رضی اللہ عنہما کی خالہ تھیں حضرت میمونہ رضی اللہ عنہا تو اُنہوں نے اجازت چاہی کہ میں چاہتا ہوں کہ ایک رات یہاں گزاروں جس دن جناب رسول اللہ ۖ کی باری یہاں آپ کے پا س ہو ، تو وہ رات گُزاری او ر وہ ساری رات تقریباً اُنہوں نے جاگتے ہوئے ہی گزاری وہ فرماتے ہیں پھر آپ تشریف لائے آپ