ماہنامہ انوار مدینہ لاہور اگست 2003 |
اكستان |
|
گھوڑے کے صرف پیر بھیگتے تھے۔اسلامی لشکر راحت وآرام سے ہولناک دریا کو طے کررہا تھا گویا بھیگے ہوئے ریتے پر چل رہا ہے (جس پر چلنا نہایت ہی سہل ہوتا ہے ) داربن میں کسی کو وہم و گمان بھی نہ تھا کہ مسلمان بغیر جہازوں اور کشتیوں کے اس طرح دریا کو پا پیادہ طے کرکے آپہنچیں گے ، وہ غافل تھے ۔مسلمان وہاں پہنچ گئے اور داربن مسخر ہوگیا ۔ اللہ تعالیٰ نے اپنے خاص بندوں کی دُعا کو قبول فرمایا اور دریا میں ان کے لیے سہل اور نہایت آرام دہ راستہ بنا دیا،ابھی بے آب وگیاہ میدانوں میں غیبی تائید کا کرشمہ دیکھ لیا تھا ،اس سے بڑھ کر سمندر کو پایاب کرکے دکھلادیا کہ دین اسلام کے ساتھ تائید الٰہی شامل ہے ،اس کی اشاعت نہ ظاہری تدابیر پر موقوف ہے ،نہ کسی کے جبرو اکراہ کو اس میں دخل ہے، یہ وہ باتیں ہیں جن کو کیسا ہی سنگ دل اور حق سے منحرف شخص بھی جب دیکھے گا ،ناممکن ہے کہ اسلام کی حقانیت اس کے قلب میں راسخ نہ ہوجائے اور گووہ اپنے قدیم مذہب پر کتنا ہی ہٹ اورضد کے ساتھ قائم رہنا چاہے لیکن دین اسلام کی کشش کبھی اس کو اپنے اصرار اور ہٹ دھرمی پر قائم رہنے نہیں دے سکتی، یہی وجہ ہے کہ موضع ''ہجر'' کا ایک عیسائی راہب جو اسلامی لشکر کے ساتھ تھا، جس نے برّو بحر دونوں جگہ تائیدِ آسمانی کی جلوہ گری دیکھی تھی ۔اسلام قبول کرلینے پر مجبور ہوا۔کسی نے اس سے پوچھا کہ تیرے مسلمان ہونے کی کیا وجہ تھی؟ اس نے جواب دیا ثَلَا ثَةُ اَشْیَائَ خَشِیْتُ اَنْ یَّمْسَخَنِیَ اللّٰہُ بَعْدَھَا اِنْ اَنَا لَمْ اَفْعَل : فَیْض فِی الرّمَالِ ،وَتَمْھِیْد فِی الْبَحْرِ وَدُعَائ سَمِعْتُہ فِی عَسْکَرِھِمْ فِی الْھَوَائِ سَحْرًا۔(تین چیزیں ایسی دیکھیں کہ ان کے بعد بھی مسلمان نہ ہوتا تومجھ کو مسخ ہونے کا اندیشہ تھا :اوّل تو بے آب وگیاہ میدان میں پانی کا ظاہر ہوجانا ، دوسرے سمندر میں راستہ ہوجانا ،تیسرے ایک دُعاء جو میںنے مسلمانوں کے لشکر میں صبح کے وقت آسمان کی طرف سے سنی۔ لوگوں نے کہا وہ دُعاء کیا تھی ؟ کہا وہ دُعا ء یہ ہے : اَللّٰھم! اَنْتَ الرَّحمنُ الرحیمُ ،لا الٰہ غَیْرُکَ ، وَالْبَدِیْعُ لَیْسَ قَبْلَکَ شَیئ ، وَالد ائمُ غَیْرُالْغَافِلِ ، وَالْحَیُّ الَّذِیْ لَا یَمُوْتُ ، وَخَالِقُ مَایُرٰی وَمَا لَا یُرٰی ، وَکُلُّ یَوْمٍ اَنْتَ فِی شَانٍ ، وَعَلِمْتَ اَللَّٰھُمَّ کُلّ شَیْئٍ بِغَیْرِ تَعَلُّمٍ '' میں ان حالات کو دیکھ کر سمجھ گیا کہ مسلمانوں کی اعانت و تائید میں ملائکہ کی شرکت اسی وجہ سے ہوئی کہ وہ حق پر ہیں ''۔ ٣ ٣ اشاعتِ اسلام ص١٥٨