ماہنامہ انوار مدینہ لاہور نومبر 2017 |
اكستان |
 |
قسط : ٢فضائلِ مسجد حضرت مولانا صدر الدین صاحب انصاری ،انڈیا تلمیذ شیخ الحدیث حضرت مولانا محمد زکریا صاحبمسجد بنانا : عَنْ عُثْمَانَ رَضِیَ اللّٰہُ تَعَالٰی عَنْہُ قَالَ قَالَ رَسُوْلُ اللّٰہُ ۖ مَنْ بَنَی لِلّٰہِ مَسْجِدًا بَنَی اللّٰہُ لَہ بَیْتًا فِی الْجَنَّةِ ۔ ١ ''حضرت عثمان کہتے ہیں کہ نبی کریم ۖ نے ارشاد فرمایا کہ جو شخص اللہ کے لیے کوئی مسجد بناتا ہے اللہ تعالیٰ اُس کے لیے جنت میں ایک گھر بنا دیتا ہے۔ '' اس مضمون کی اور بھی روایات ہیں، ترمذی شریف میں حضرت انس رضی اللہ تعالیٰ عنہ کی روایت ہے کہ حضور اقدس ۖ نے ارشاد فرمایا کہ جو آدمی اللہ کے لیے مسجد بناتا ہے اُس کا گھر جنت میں ہوگا، حضرت عثمانبن عفان کی روایت میں ہے کہ مسجد بنانے والے کے واسطے مسجد جیسا ایک گھر جنت میں بنادیا جاتا ہے، ایک حدیث میں ہے کہ اللہ تعالیٰ مسجد بنانے والے کے لیے مسجد سے بڑا گھر جنت میں بنا دیتا ہے، حضرت ابو ہریرہ کی ایک حدیث ہے جو آدمی اپنی حلال کمائی میں سے اللہ کی عبادت کے لیے کوئی گھر بناتا ہے اللہ جل شانہ جنت میں اُس کے لیے موتی اور یاقوت کا محل بنادیتے ہیں،ایک اور حدیث میں ہے کہ مساجد کی تعمیر باقی رہنے والی نیکیوں میں ہے، حضرت ابو ہریرہ کی حدیث آگے آرہی ہے جس میں صراحةً حضور اقدس ۖ کا ارشاد ہے کہ جن اعمال کا ثواب بندے کو مرنے کے بعد پہنچتا رہتا ہے اُن میں وہ مسجد بھی ہے جس کو اُس نے اپنی زندگی میں بنوادیا ہو۔ ------------------------------١ مشکوة شریف کتاب الصلوة رقم الحدیث ٦٩٧