ماہنامہ انوار مدینہ لاہور نومبر 2017 |
اكستان |
 |
اخبار الجامعہ ١٤ اکتوبر کو شیخ الحدیث حضرت مولانا سیّد محمود میاں صاحب ،حضرت مولانا قاضی ظہور الحسین صاحب مدظلم العالی کی دعوت پر چکوال میں منعقد ہونے والی سُنی کانفرنس میں شرکت کے لیے تشریف لے گئے ،رات بخیر و عافیت واپس تشریف لے آئے ۔ مخیرحضرات سے اَپیل جامعہ مدنیہ جدیدمیں بحمد اللہ چار منزلہ دارُالاقامہ (ہوسٹل )کی تعمیر شروع ہو چکی ہے پہلی منزل پر ڈھائی کروڑ روپے کی لاگت کا تخمینہ ہے، مخیر حضرات کو اِس کارِ خیر میں بڑ ھ چڑھ کر حصہ لینے کی دعوت دی جاتی ہے، اللہ تعالیٰ قبول فرمائے۔ (اِدارہ)بقیہ : فضائل مسجد (٤) پھر ایسے لوگوں کے بدلے کا ذکر ہے کہ آخرت میں اللہ تعالیٰ اُن کو اُن کے عملوں کا بہترین بدلہ دے گا نہ صرف بدلہ ہی دے گا بلکہ اپنے فضل و کرم سے انعامات کی بہت افراط کرے گا اللہ تعالیٰ کے یہاں کسی چیز کی بھی کمی نہیں جس کو جتنا چاہے دے دے کسی حساب و شمار کی پابندی نہیں۔ حدیث میں ہے کہ جو لوگ کثرت سے مسجد میں جمع رہتے ہیں ذکرو نماز میں مشغول رہتے ہیں وہ مسجد کے کھونٹے ہیں فرشتے اُن کے ہم نشین ہوتے ہیں، اگر وہ بیمار ہوجائیں تو فرشتے اُن کی عیادت کرتے ہیں اور وہ کسی کام کو جائیں تو فرشتے اُن کی مدد کرتے ہیں ،اللہ تعالیٰ ہم کو بھی نیک بندوں میں کردے اور ان کے طفیل ہماری مغفرت فرمادے ،آمین ۔ (جاری ہے)