دستور الطلباء |
لمی و فن |
 |
لہٰذا عزم کرو کہ إن شاء اللہ وقت کی قدر کرتے ہوئے صحیح معنیٰ میں عالمِ دین بنیں گے، اور لوگوں کی نفع رسانی کے لیے درختِ خُرما ثابت ہوں گے۔ بیدار مغز طالبِ علم وہ ہے جو حیاتِ مُستَعار کو کام میں لاکر ذخیرۂ آخرت بنانے کی فکر میں لگا رہے۔
باری تعالیٰ سے اُمید ودعا ہے کہ: وہ ذاتِ عالی اِس کتاب کو میرے طالب علم بھائیوں کے لیے بالخصوص اِصطلاحات کے تعلُّق سے کسی کتاب کے جویاؤں کے لیے زیادہ سے زیادہ مفید بنائیں ۔(آمین یاربّ العالمین)، اور طالبین ومستفِدین کی برکات سے احقر، والدین، اساتذہ اور جملہ متعلِّقین ومعاوِنین کے لیے دارین کی سعادت کا ذریعہ بنائیں ۔ {وَمَاذٰلِکَ عَلَی اللّٰہِ بِعَزِیْزٍ}
کتاب میں رعایت کردہ امور
(۱)کتابِ ہٰذامیں صرف وہ اِصطلاحات جمع کی گئی ہیں جو بہ وقتِ اِفہام وتفہیم استعمال ہوتی ہیں اور اُن سے ناواقفیت کتبِ درسیہ کے مضامین کو حل کرنے میں مُخِل ثابت ہو تی ہے؛ یاپھر وہ اصطلاحات ہیں جو تعریفات، دلائل، اَمثلہ اور اعتراضات وجوابات وغیرہ اہم مقامات میں مستعمل ہوتی ہیں ۔تمام اصطلاحات کو یکجا کرنابہ ظاہرنہ ممکن ہے نہ مقصود۔
(۲)ذکرکردہ تمام اصطلاحات کوبہ زُبانِ عرَبی نقل کرنے کا اہتمام کیا گیا ہے؛ تاکہ حصول شيء بأصلہٖ کے قبیل سے ہوجائے، اور ساتھ ہی تکملۃً للفائدہ اردو ترجَمہ بھی ذکر کرلیا گیا ہے۔
(۳)مستفیدین کی تسہیل کو مدِّ نظر رکھتے ہوئے اصطلاحات ذکر کرنے کے لیے اصل ترتیب کی بِنا حروفِ تہجی پر رکھی گئی ہے؛ لیکن بعضے اوقات طالب