دستور الطلباء |
لمی و فن |
 |
تقریظ حضرت اقدس مولانا محمد یونس صاحب تاجپوری دامت برکاتہم (شیخ الحدیث مدرسہ امدادالعلوم وڈالی، گجرات) باسمہ تعالیٰ عزیزم مولوی محمد الیاس سلمہٗ نے ’’دستور الطلباء‘‘ کتاب میں مجہول الحقیقۃ الفاظ کی ایک طویل فہرست سے انتخاب کرتے ہوئے محض اُن اصطلاحات کو جمع کیا ہے جو ایک طالبِ علم اور فنون میں مہارت حاصل کرنے والے کے لیے ’’دستور‘‘ کی حیثیت رکھتی ہیں ، اِس طرح اُنھوں نے طلباء واساتذہ کے لیے بڑا اچھا مواد فراہم کردیا ہے، جو ایک علمی مسافر کے لیے دورانِ تعلیم وتدریس بہت ضروری ہے۔ موصوف نے بڑی محنت سے تحقیقی کام کیا ہے، مَیں نے اول سے اخیر تک اِس کا مطالعہ کیا، اِس کو بے حد مفید پایا۔ کتبِ درسِ نظامی میں استعمال کی جانے والی اصطلاحات اِس کتاب میں مرتَّب اور سہل انداز میں پیش کی گئی ہیں ؛ اِس لیے اِس سے استفادہ بڑا آسان ہے۔ اللہ پاک موصوف کو اَجر جزیل عطا فرمائے، اِس کتاب کو موصوف اورجملہ متعلقین کے لیے سعادتِ دارین کا ذریعہ بنائے، اوراسم بامسمیٰ بناکر اِس سے استفادے کو آسان تر فرمائے۔ (آمین یارب العالمین) یونس تاجپوری