راہ محبت اور اس کے حقوق |
ہم نوٹ : |
 |
چاہیے اس کو ایک قصہ سے سمجھیے:ایک شخص روزانہ بھینس کا بچہ اُٹھا کر ایک فرلانگ لے جاتا تھا۔ یہاں تک کہ وہ بڑا ہوکر تین من کا ہوگیا، مگر وہ پھر بھی اسے اٹھا لیتا تھا۔ کسی نے کہا کہ بھئی! اتنا وزن کیسے اُٹھاتے ہو؟ اس نے کہا کہ جب یہ بچہ تھا تب سے اُٹھارہا ہوں، لہٰذا پتا ہی نہیں چلا، اس کا وزن بڑھتا رہا اور میری طاقت بھی بڑھتی رہی تو ایسے ہی ذکر کی مثال سمجھ لیجیے، پہلے ایک تسبیح پڑھیے، دوسرے ہفتے میں دو سو کرلیجیے۔ تیسرے ہفتے میں تین سو کرلیجیے، چوتھے ہفتے میں چار سو کرلیجیے اور پانچویں ہفتے میں پانچ سو کرلیجیے پتا بھی نہیں چلے گا۔ پھر بھی اگر کسی شخص کو کوئی عارض پیش ہے تو تین سو پڑھ لے اور اگر تین سو بھی نہیں پڑھا جاتا تو دو تسبیح پڑھ لے اور اگر بہت ہی بحرالکاہل ہے، سستی کا سمندر ہے تو ایک تسبیح پڑھ لے کیوں کہ ایک تسبیح پر بھی وعدہ ہے کہ قیامت کے دن اس کا چہرہ چاند کی طرح روشن ہوگا۔ اب اگر کوئی سو مرتبہ بھی پڑھنے کے لیے تیار نہ ہو تو بس اس کو خدا ہی سمجھائے گا، میں کچھ نہیں کہوں گا، اس کی شان میں گستاخی نہیں کروں گا کیوں کہ اللہ کے بندے ہیں، مجھ سے افضل ہیں لیکن یہ ضرور کہوں گا کہ اللہ تعالیٰ ہمارے اوپر اور اس پر فضل کردے لیکن یہ پانچ تسبیح بہت زبردست وظیفہ ہے، یہ اولیاء اللہ کی شاہراہ ہے، تمام مشایخ جتنے دنیا میں آئے ہیں ان کو پانچ تسبیح بتائی جاتی تھیں تو میں آپ کو سپر ہائی وے یعنی اولیاء اللہ کی شاہراہِ اعظم دکھاکر جارہا ہوں۔ لہٰذا ذکر کا اہتمام کیجیے۔ مولانا رومی رحمۃ اللہ علیہ کی ایک خاص نصیحت مگر کبھی کبھی ذرا کسی بابا یعنی کسی متبع سنت اللہ والے کے پا س بھی بیٹھ جایا کریں، مولانا رومی فرماتے ہیں کہ ؎ ھے بیا در کشتیِ بابا نشیں یعنی بابا لوگوں کی کشتی میں ضرور بیٹھا کرو، لیکن کون سا بابا؟ وہ بابا جو شریعت و سنت کے مطابق بابا ہو، وہ بابا نہیں ہو جو سمندر کے کنارے سٹّے کا نمبر بتائے، یہ بابا نہیں یابٰی ہے، یابٰی عربی زبان کا لفظ ہے اس کے معنیٰ ہیں سرکش، نالائقی کرنے والا، تو وہ بابا نہیں ہے یابٰی ہے، بابا اصلی وہ ہے جس کا ایک تو کوئی اصلی بابا ہو یعنی اس کا بھی کوئی شیخ ہو اور اس کا شریعت و سنت پر چلنے والے سلسلے سے تعلق ہو، جو سنت و شریعت سے ہٹ جائے تو سمجھ لو وہ بابا بنانے کے قابل نہیں ہے۔