فغان رومی |
ہم نوٹ : |
 |
کے راستے کو بھول کر بار بار ہم آپ کی ناراضگی کے راستے پر پڑجاتے ہیں، بار بار توبہ کرتے ہیں لیکن جب گناہ کا تقاضا اور غلبہ ہوتا ہے اور شہوت کا بھوت سوار ہوتا ہے تو ہم آپ کو فراموش کردیتے ہیں اور نفس دشمن کی غلامی کرنے لگتے ہیں اورآپ کی عظمتوں سے ہمارا نفس صَرفِ نظر کرادیتا ہے اور ہماری گول ٹوپیوں اور داڑھیوں اور لمبے کرتوں یعنی وضعِ صالحین کے ساتھ نہایت گندے کاموں میں نفس وشیطان مبتلا کردیتا ہے۔ اگر آپ ستاری نہ فرماتے تو ساری دنیا ہم پر تھوکتی،اور ہمیں جو لوگ کہہ رہے ہیں کہ حضرت! دُعا کیجیے گا وہ یہ الفاظ واپس لے لیتے ۔ لیک گفتی گرچہ می دانم سرت زود ہم پیدا کنش بر ظاہرت لیکن آپ نے فرمایا کہ اگر چہ میں تمہارا بھید جانتا ہوں اور تمہاری حاجتوں سے واقف ہوں لیکن پھر بھی اُدْعُوْنِیْ کا حکم دے رہا ہوں کہ مجھ سے مانگو اَسْتَجِبْ لَکُمْ؎ میں تمہیں عطا کروں گا۔ جو کچھ تمہارے دل میں ہے اس کو ظاہر پر لاؤ یعنی جلدی سے اپنی زبان سے کہہ دو کہ اے اللہ! ہم کو روٹی چاہیے، کپڑا چاہیے، مکان چاہیے، صحت چاہیے ، حج وعمرہ کی زیارت چاہیے، گناہوں سے حفاظت چاہیے وغیرہ ۔ اگرچہ میں تمہارے دل کے رازوں سے باخبر ہوں لیکن مانگنے کا حکم اس لیے دے رہا ہوں تاکہ تمہارا فقر اور احتیاج ظاہر ہو اوراستغنا کی شان نہ معلوم ہو ؎ گڑ گڑا کے جو مانگتا ہے جام ساقی دیتا ہے اس کو مے گلفام ناز ونخرے کرے جو مے آشام ساقی رکھتا ہے اس کو تشنہ کام درس کے دوران ارشاد فرمایا کہ میں مناجات مولانا رُوم پہلے پڑھاتا ہوں اور علوم ومعارف بعد میں تاکہ مانگنے کا طریقہ آجائے، لہٰذا ان اشعار کو زبانی یاد کرلیجیے اور دُعا میں مانگیے۔ ------------------------------