ماہنامہ انوار مدینہ لاہور دسمبر 2014 |
اكستان |
 |
کنگ فہد کمپلیکس میں مصحف ِتاج کی طباعت ( ڈاکٹر محمد اِلیاس فیصل،فاضل مدینہ یونیورسٹی،رُکن مراجعہ کمیٹی مصحف ِتاج ) قرآن کمپلیکس ١ مدینہ منورہ قرآنِ کریم کی طباعت و اِشاعت کاعالمی اِدارہ ہے، خادم حرمین شریفین ملک فہد بن عبدالعزیز آلِ سعود نے ١٤٠٥ھ میں اِس کا اِفتتاح کیا جس میں قرآنِ کریم کا پہلا اَیڈیشن ١٤٠٥ھ میں تیار ہوا اور اُس نسخہ کو '' مصحف المدینة النبویة ''کا عنوان دیا گیا ۔ اِس کے آخر میں ایک تعارفی رپورٹ ملحق ہے جس میں اِس نسخے کے رسم کی کتابت میں جس منہج کو اِختیار کیا گیا اِس کا تعارف یوں لکھا ہے : '' قدروعی فی ذلک مانقلہ الشیخان ابو عمرو الدانی وابوداؤد بن سلیمان بن نجاح مع ترجیح الثانی عندالاختلاف غالبا وقد یؤخذ بقول غیرھما '' اِس قرآنِ کریم کی کتابت میں ائمہ رسم شیخ اَبوعمرو الدانی اور شیخ اَبو داؤد بن سلیمان بن نجاح کی تصریحات کو بنیاد بنایا گیا ہے اور جن مقامات پر اِن دونوں میں باہم اِختلاف ہو تو وہاں اَبو داؤد کے قول کو ترجیح دی گئی ہے اور کہیں کہیں اِن دونوں کے علاوہ رسم کے کسی دُوسرے ماہرِ فن کے قول کو بھی اِختیار کیا گیا ہے۔ مزید لکھا ہے کہ اِس قرآنِ کریم کے ضبط (اعراب ، زبر ،زیر، پیش، جزم وغیرہ) کی تحریر میں مشارقہ کا منہج اپنا یا گیا ہے۔ واضح رہے کہ رسم و ضبط کا یہ منہج عرب علاقوں میں متعارف ہے، بر ِ صغیر پاک و ہند ودیگر عجمی ممالک میں رسم و ضبط کا یہ منہج متعارف نہیں ہے وہ اِس منہج کو اور خصوصًا اِس ضبط کو صحیح پڑھ بھی نہیں سکتے، بطورِ مثال اِس ضبط مشارقہ کی رُو سے اِقْتَرَبَ ، اَلْقَارِعَةُ ، اُقْتُلُوْا جیسے کلمات میں یکساں علامت ١ اِس مضمون میں مراد مجمع الملک فہد لطباعة المصحف الشریف مدینہ منورہ ہے۔