ماہنامہ انوار مدینہ لاہور دسمبر 2014 |
اكستان |
 |
قسط : ١٢ قصص القرآن للاطفال پیارے بچوں کے لیے قرآن کے پیارے قصّے ( الشیخ مصطفٰی وہبہ،مترجم مفتی سیّد عبدالعظیم صاحب ترمذی ) ( بنی اِسرائیل کی گائے کا واقعہ ) حضرت موسٰی علیہ السلام کے زمانے میں بنی اِسرائیل کا ایک شخص نہایت مالدار تھا لیکن اِنتہائی درجہ کنجوس اور لالچی تھا، دُوسروں پر مال خرچ کرنا تودَرکنار وہ اپنی ذات پر بھی مال خرچ کرنے سے گھبراتا تھا، اُس کی کوئی اَولاد نہ تھی جبکہ اِس کے برعکس اُس کے بھتیجے غریب اور فقیر تھے، بھوک اور اَفلاس نے اُنہیں ذلیل و رُسوا کر رکھا تھا وہ اُس کے پاس رہتے تھے اور اُس کی خدمت کرتے تھے تاکہ وہ اِن پر شفقت کرے اور اِنہیں کچھ مال دے جس سے بھوک کی شدت ختم ہو لیکن وہ شخص اپنے بھتیجوں کو دولت نہیں دیتا تھا وہ بھتیجے صرف بادلِ نخواستہ اُس سے ملتے تھے اور اُس کی موت کی خواہش کرتے تھے تاکہ وراثت میںمال مِل جائے۔ اُن لڑکوں میں سے ایک لڑکا فطرتًا شرارتی تھا، شیطان نے اُسے چچا کے مال کے متعلق سُہانے خواب دِکھائے چنانچہ اُس نے اپنے چچا کے قتل کی تدبیر کی تاکہ اُس کا مال حاصل کرسکے۔ چنانچہ ایک تاریک رات کو وہ چچا کے مکان میں داخل ہوا اور اُس کو قتل کردیا پھر اُس کی لاش کو اُٹھاکر عام راستے پرپھینک دیا۔ صبح کے وقت جب لوگوں نے شارعِ عام پر ایک مقتول دیکھا تو اُس کے گرد جمع ہوگئے اور اُس کے بارے میں ایک دُوسرے سے پوچھنے لگے۔ اِسی دوران وہاں موجود قاتل بھتیجے نے چچا کی لاش کو دیکھ کر چیخ و پکار شروع کردی اور چچا کے قتل کے بدلے کا مطالبہ کرنے لگا، لوگ