Deobandi Books

ایک اور حدیث میں ہے حضور  ۖ  نے اِرشاد فرمایا  : 
''وہ آدمی جنت میں نہیں جائے گا جس کی شرارتوں سے اُس کے پڑوسی اَمن    میں نہیں۔'' 
ایک اور حدیث شریف میں ہے کہ  : 
''کسی صحابی نے حضور  ۖ  سے عرض کیا کہ حضور فلاں عورت کے متعلق بیان کیا جاتا ہے کہ وہ بڑی نمازیں پڑھتی ہے، بہت روزے رکھتی ہے اور خوب خیرات کرتی ہے لیکن اپنی زبان کی تیزی سے پڑوس والوں کو تکلیف بھی پہنچاتی رہتی ہے۔ حضور  ۖ  نے اِرشاد فرمایا وہ دوزخ میں جائے گی۔ پھر اُن ہی صحابی نے عرض کیا یارسول اللہ  ۖ اور فلانی عورت کے متعلق کہا جاتا ہے کہ وہ نماز، روزہ اور خیرات تو بہت نہیں کرتی (یعنی نفل نمازیں، نفل روزے اور نفلی صدقے بمقالہ پہلی عورت کے کم کرتی ہے ) لیکن پڑو س والوں کو اپنی زبان سے کبھی تکلیف نہیں پہنچاتی تو حضور  ۖ  نے فرمایا کہ وہ جنت میں جائے گی۔ '' 
بھائیو  !  یہ ہیں اِسلام میں پڑسیوں کے حقوق۔ اَفسوس  !  آج ہم اِن اَحکام سے کتنے غافل ہیں۔(جاری ہے) 
 

مخیرحضرات سے اَپیل 
 جامعہ مدنیہ جدیدمیں بحمد اللہ چار منزلہ دارُالاقامہ (ہوسٹل )کی تعمیر شروع ہو چکی ہے پہلی منزل پر ڈھائی کروڑ روپے کی لاگت کا تخمینہ ہے، مخیر حضرات کو اِس کارِ خیر میں بڑ ھ چڑھ کر حصہ لینے کی دعوت دی جاتی ہے، اللہ تعالیٰ قبول فرمائے۔ (اِدارہ)