ماہنامہ انوار مدینہ لاہور جنوری 2014 |
اكستان |
|
لگے تاکہ اُن کی خطا معاف اور اُن کی توبہ قبول کی جائے چونکہ آپ کی توبہ سچی تھی لہٰذا اللہ تعالیٰ نے قبول فرمالی۔ اللہ تعالیٰ نے اُن دونوں کو بتایا کہ زمین ہی اُن کا اصل مکان ہے اِس میں رہیں نسل بڑھائیں اور اپنی اَولاد سے زمین کو آباد کریں اور آپ کی اَولاد کی شکل و صورت ایک دُوسرے سے مختلف ہوگی ایک کے بعد دُوسرا اور ایک نسل کے بعد دُوسری نسل آئے گی اور تاقیامت یہ سلسلہ چلتا رہے گا۔ زمین پر حضرت آدم علیہ السلام اور آپ کی زوجہ محترمہ حضرت حوا علیہا السلام اللہ تعالیٰ کی مشیت کے مطابق زندہ رہے اور زمین میں خیرو شر، ہدایت و ضلالت اور کفر و اِیمان کی جنگ چھڑ گئی۔ حضرت آدم علیہ السلام نے اپنی وفات سے قبل اپنی اَولاد کو بلایا اُنہیں سمجھایا کہ اِنسان کی نجات کے لیے ایک ہی کشتی ہے اور اُس کی مدد کے لیے ایک ہی اسلحہ ہے وہ کشتی اللہ کی ہدایت اور اسلحہ اللہ کے کلمات ہیں پھر حضرت آدم علیہ السلام نے اُنہیں اِطمینان دِلایا کہ اللہ تعالیٰ اِنسان کو زمین پر اَکیلا نہیں چھوڑیں گے بلکہ وہ اُس کی رہنمائی اور ہدایت کے لیے اَنبیاء و رُسل مبعوث فرمائیں گے۔ وہ اَنبیاء کرام اپنے اسماء ِگرامی معجزات اور صفات کے اِعتبار سے مختلف ہوں گے لیکن ایک چیز پر سب ہی متفق ہوں گے یعنی اللہ وحدہ لاشریک کی طرف دعوت دیں گے اور اُس کے ساتھ شرک نہیں کریں گے۔ (جاری ہے) مخیرحضرات سے اَپیل جامعہ مدنیہ جدیدمیں بحمد اللہ چار منزلہ دارُالاقامہ (ہوسٹل )کی تعمیر شروع ہو چکی ہے پہلی منزل پر ڈھائی کروڑ روپے کی لاگت کا تخمینہ ہے، مخیر حضرات کو اِس کارِ خیر میں بڑ ھ چڑھ کر حصہ لینے کی دعوت دی جاتی ہے، اللہ تعالیٰ قبول فرمائے۔ (اِدارہ)