ماہنامہ انوار مدینہ لاہور جنوری 2014 |
اكستان |
 |
مقالاتِ حامدیہ ''اَلحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اَقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کیا گیا جو تاحال طبع نہیں ہوسکے تھے جبکہ ان کی نوع بنوع خصوصیات اس بات کی متقاضی تھیں کہ اِفادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے گئے جو بعض جرا ئد و اَخبارات میں مختلف مواقع پر شائع ہو ئے تاکہ ایک ہی لڑی میں تمام مضامین مرتب و یکجا محفوظ ہو جائیں۔ اَب جبکہ اللہ کے فضل و کرم سے اِن سلسلہ وار مضامین کی تکمیل ہو چکی ہے جن کی تعداد اَڑسٹھ(٦٨) بنتی ہے تودُوسرے مرحلہ میں یہ طے کیا گیا ہے کہ'' خانقاہِ حامدیہ'' کے تحت اَب تک شائع ہونے والے اِن مضامین میں عنوانات قائم کرکے اِنہیں کتابی شکل میں شائع کر دیا جائے اور اِس سلسلہ کو ''قندیل'' سے موسوم کرکے قرآنیات، حَدِیثیات، اِقتصادیات، سیاسیات،شخصیات وغیرہ عنوانات پر مشتمل کتابیں منظر عام پر لائی جائیں تاکہ ''قنادیل'' کا یہ مجموعہ اہل ِعلم کی علمی روشنی میں مزید اِضافہ کا سبب بن کر حضرت اَقدس کے لیے رفعِ درجات کا ذریعہ بن جائے۔ اَب قارئین ِکرام کی خدمت میں گزارش ہے کہ طبع شدہ مضامین کے علاوہ اگر کسی کے پاس حضرت اَقدس کا کوئی مضمون،کوئی تحریر،کسی قسم کا اِقتباس یاکوئی خط موجود ہو تو مہربانی فرما کر اِدارہ کو اِس سے مطلع فرمائیں اور اُس کی اصل یا اُس کا عکس عنایت فرمائیں اِدارہ اُن کا ممنونِ احسان ہوگا۔ آخر میں حضرت اَقدس کے تا حال سلسلہ وار مطبوعہ مضامین کی فہرست بھی پیش ِ خدمت ہے۔ (اِدارہ)