ماہنامہ انوار مدینہ لاہور اپریل 2013 |
اكستان |
|
نام کتاب: ششماہی علوم اِسلامیہ اَیڈیٹر :پرو فیسر ڈاکٹر صلاح الدین ثانی صفحات : ٦٠٨ سائز:١٦/٣٦x٢٣ ناشر :شعبہ عربی ،وفاقی اُردو یونیورسٹی کراچی ششماہی رسالہ ''علومِ اِسلامیہ'' ہر چھ ماہ بعد اُردو، عربی، سندھی اَور اَنگریزی زبانوں پر مشتمل مضامین کے ساتھ شائع ہوتا ہے اِس وقت علوم ِ اِسلامیہ کی جلد نمبر ١٧ کا شمارہ نمبر ١٣۔١٤ ہمارے پیشِ نظر ہے، یہ شمارہ مقاصد ِبعثت ِ نبوی ۖ کے عنوان سے خاص نمبر کے طور پر شائع کیا گیا ہے، اِس نمبر میں اُردو کے ساتھ ساتھ عربی، سندھی اَور اَنگریزی میں بھی بعض مضامین دیے گئے ہیں۔ نام کتاب:ذکرِ جلیل مرتب :مولانا وکیل اَحمد شیروانی صفحات :١١٦ سائز:١٦/٣٦x٢٣ ناشر :مجلس صیانة المسلمین لاہور '' ذکرِ جلیل '' میں حکیم الامت حضرت مولانا اَشرف علی صاحب تھانوی کے خلیفۂ اَرشد حضرت مولانا حافظ جلیل اَحمد خان صاحب شیروانی کے حالات ِ زندگی اَور خدماتِ جلیلہ کو ذکر کیا گیا ہے، صاحب ِسوانح مجلس صیانة المسلمین کے بانی ،خانقاہِ اَشرفیہ تھانہ بھون کے فاضل اَور حضرت تھانوی کے خلیفہ تھے، کتاب کے آخر میں صاحب ِسوانح کے اِصلاحی مکاتیب اَور بعض فتاوی بھی دَرج کیے گئے ہیں جن سے کتاب کی اِفادیت دو چند ہو گئی ہے۔