ماہنامہ انوار مدینہ لاہور اپریل 2013 |
اكستان |
|
harfe aghaz نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّابَعْدُ ! شادی بیاہ کا عمل ہر معاشرہ کا اہم حصہ ہے اِسلام نے اِس کی اہمیت اَور ہر خاص و عام کی ضرورت کو سامنے رکھتے ہوئے اِس کو بہت سستا اَور سہل کرنے پر زور دیا ہے کیونکہ نکاح جتنا آسان ہوگا گناہ اُتنا ہی مشکل ہوتا چلا جائے گا اَور اِس میں جتنی مشکلات پیدا کی جائیں گی گناہ کے دَروازے اُسی قدر کھلتے چلے جائیں گے۔ حضرت عائشہ رضی اللہ تعالیٰ عنہا فرماتی ہیں نبی علیہ السلام نے فرمایا کہ : اِنَّ اَعْظَمَ النِّکَاحِ بَرَکَةً اَیْسَرُہُ مُؤْنَةً ۔(مشکوة رقم الحدیث: ٣٠٩٧ ) ''برکت میں سب سے بڑھ کر وہ نکاح ہے جو ( مہر ودیگر اَخراجات کی) مشقت میں سب سے ہلکا ہو۔'' ایک جگہ اِرشاد فرمایا : تُنْکَحُ الْمَرْأَةُ لِاَرْبَعٍ: لِمَالِھَا وَ لِحَسَبِھَا وَلِجَمَالِھَا وَ لِدِیْنِھَا فَاظْفَرْ بِذَاتِ الدِّیْنِ تَرِبَتْ یَدَاکَ۔ (مشکوة شریف رقم الحدیث: ٣٠٨٢ )