ماہنامہ انوار مدینہ لاہور اپریل 2013 |
اكستان |
٢٣ مارچ کو پارلیمانی لیڈر خیبر پختونخواہ حضرت مفتی کفایت اللہ صاحب مدظلہم شیخ الحدیث حضرت مولانا سیّد محمود میاں صاحب کی رہائشگاہ پر تشریف لائے، ملاقات کے دَوران مُلکی اَور غیر ملکی حالات پر تبصرہ ہوتا رہا، بعد اَزاں جامعہ جدید کی مسجد حامد میں بیان فرمایا۔ ٢٣ مارچ کو بعد نمازِ ظہر شیخ الحدیث حضرت مولانا سیّد محمود میاں صاحب حضرت مولانا محب النبی صاحب مدظلہم کی دعوت پر جلسے میں شرکت کے لیے دارُالعلوم مدنیہ ملتان روڈ تشریف لے گئے جہاں آپ نے جلسے کی اِختتامی دُعا کرائی۔ ٢٤ مارچ کو بعد نمازِ عشاء شیخ الحدیث حضرت مولانا سیّد محمود میاں صاحب شبانِ ختم ِ نبوت کی دعوت پر غنی مسجد سنت نگر تشریف لے گئے جہاں آپ نے ختم ِ نبوت کورس میں شریک اَفراد میں اَسناد تقسیم کیں۔ وفیات گزشتہ ماہ کراچی میں بھائی عارف صاحب کے داماد سیّد محبت علی صاحب طویل علالت کے بعد وفات پاگئے۔ یکم مارچ کو چوبرجی کے نوید نصیر صاحب کے دادا جان طویل علالت کے بعد وفات پاگئے۔ اِنَّا لِلّٰہِ وَاِنَّا اِلَیْہِ رَاجِعُوْنَ اللہ تعالیٰ جملہ مرحومین کی مغفرت فر ماکر جنت الفردوس میں اَعلیٰ مقام نصیب فرمائے اَور لواحقین کو صبرِ جمیل کی توفیق نصیب ہو۔ جامعہ مدنیہ جدید اَور خانقاہِ حامدیہ میں جملہ مرحومین کے لیے اِیصال ِ ثواب اَور دُعائے مغفرت کرائی گئی اللہ تعالیٰ قبول فرمائے ،آمین۔