ماہنامہ انوار مدینہ لاہور اپریل 2013 |
اكستان |
 |
سب نمائشی عنوانات ہیں جن کا مقصد مفاد پرستی کے سوا کچھ نہیں۔ اَفغانستان ہو یا اِسرائیل اِسی کے مظاہر ہیں، جب سے ہم نے آزادی میں قدم رکھا ہے یہی کچھ دیکھ رہے ہیں ۔ میں قفس میں تھا کہ سنا گیا کہ زمانہ ہے یہ بہار کا یہ چمن میں آکے پتہ چلا کہ خزاں کا نام بہار ہے اِسلام نے جو چیز بھی بتلائی ہے اُسے بامقصد بنایا ہے۔ آج کے دَور کی مناسبت سے ''جنگ'' اَور ''جہاد'' کا فرق دیکھ لیجیے۔ اَقوامِ عالَم کی جنگ میں'' نسل کُشی'' کی جاتی ہے جبکہ اِسلام میں یہ منع ہے۔ بوڑھوں، بچوں، عورتوں، بیماروں اَور معذوروں کو قتل نہیں کیا جا سکتا، مغلوب ہونے والی قوم کی عورتوں کو بے عصمت نہیں کیا جا سکتا اَور اِن سب سے (بڑھ کر)پہلے فلاحِ اِنسانیت کی خاطر اِسلام کی دعوت دینی ضروری ہے۔ ''جہاد'' کی اِبتداء : جنابِ رسالت مآب ۖ مکہ مکرمہ میں اللہ تعالیٰ کی وحدانیت کی دعوت دیتے رہے حضرت اَبو سفیان رضی اللہ عنہ سے اُن کے زمانۂ کفر میں ھِرَقَلْ شاہ ِرُوم نے سوال کیا کہ محمد (ۖ) تم لوگوں کو کیا اَحکام بتلاتے ہیں ؟ تو اُنہوں نے جواب دیا تھا : یَقُوْلُ اعْبُدُوا اللّٰہَ وَحْدَہ وَلَا تُشْرِکُوْا بِہ شَیْئًا وَّ اتْرُکُوْا مَا یَقُوْلُ آبَائُکُمْ وَیَأْ مُرُنَا بِالصَّلٰوةِ وَالصِّدْقِ وَالْعَفَافِ وَالصِّلَةِ۔ ١ ''وہ کہتے ہیں کہ اللہ تعالیٰ کی عبادت کرو جو یکتا ہے اَور اُس کے ساتھ بالکل کسی کو شریک نہ کرو اَور جو تمہارے باپ دادا کہتے ہیں وہ چھوڑ دو اَور ہمیں نماز، سچائی، پاکدامنی اَور صلہ رحمی کا حکم دیتے ہیں۔ '' بخاری شریف میں دُوسری روایت میں ہے کہوَیَأْمُرُنَا بِالصَّلٰوةِ وَالصَّدَقَةِ وَالْعَفَافِ وَالْوَفَائِ بِالْعَھْدِ وَاَدَائِ الْاَمَانَةِ۔ ٢ ١ بخاری کتاب بدء الوحی رقم الحدیث ٧ ٢ بخاری کتاب الجہاد رقم الحدیث ٢٩٤١