ماہنامہ انوار مدینہ لاہور اپریل 2013 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) یکم مارچ کو بعد نمازِ عشاء شیخ الحدیث حضرت مولانا سیّد محمود میاں صاحب قاری نذیر اَحمد صاحب کی دعوت پر جمعیت علماء اِسلام کے ضلعی اِجلاس میں شرکت کے لیے اِقبال ٹاؤن تشریف لے گئے جہاں آپ نے موجود علماء اَور طلباء میں ''اِسلام اَور سیاست'' کے موضوع پرتفصیلی بیان فرمایا۔ ٩ مارچ کو بعد نمازِ عشاء شیخ الحدیث حضرت مولانا سیّد محمود میاں صاحب شبانِ ختم نبوت کی دعوت پر ختم نبوت کورس کے اِختتام کے موقع پر دُعائیہ تقریب میں مغلپورہ تشریف لے گئے۔ ١٨ مارچ کو بعد نمازِ عصر شیخ الحدیث حضرت مولانا سیّد محمود میاں صاحب جامعہ مدنیہ جدید کے اُستاذ الحدیث حضرت مولانا محمد حسن صاحب مدظلہم اَور اُن کے بھائی مولانا خلیل صاحب مدظلہم کی دعوت پر اُن کے گاؤںرسول پورہ کی مسجد کا سنگِ بنیاد رکھنے کے لیے تشریف لے گئے جہاں آپ نے سنگ ِ بنیاد کے طور پر ایک اِینٹ رکھ کر مسجد کی تعمیرو ترقی کے لیے دُعا کرائی۔ ١٩ مارچ کو بعد نمازِ مغرب شیخ الحدیث حضرت مولانا سیّد محمود میاں صاحب فاضل جامعہ مدنیہ مفتی مختار صاحب کی دعوت پر نمرہ مسجد مزنگ روڈ تشریف لے گئے۔ ٢٠ مارچ کو بعد نمازِ مغرب جامعہ مدنیہ جدید کے فاضل مولانا خالد محمود صاحب کی خواہش پر مانگا بائی پاس تشریف لے گئے۔ ٢٢ مارچ کو بعد نمازِ عشاء شیخ الحدیث حضرت مولانا سیّد محمود میاں صاحب حضرت مولانا محب النبی صاحب مدظلہم اَور قاری نذیر اَحمد صاحب کی دعوت پر جمعیة علماء اِسلام کے ضلعی اِجلاس میں شرکت کے لیے اِچھرہ تشریف لے گئے جہاں آپ نے اِسلام میں سیاست کی اہمیت اَور اِسلامی سیاست کے بنیادی مقاصد پر زور دیا۔