ماہنامہ انوار مدینہ لاہور اپریل 2013 |
اكستان |
 |
(٦) حضرت صدیق رضی اللہ عنہ نے اَپنے آخری وقت میں اِن کے لیے خلافت نامہ لکھوایا اَور فرمایا کہ میں نے رسولِ خدا ۖ سے سنا کہ آپ ۖ فرماتے تھے کہ عمر سے بہتر کسی شخص پر آفتاب نے طلوع نہیں کیا اَور فرمایا کہ اللہ تعالیٰ سے کہوں گا کہ اے پروردگار ! اِس وقت جو تیری مخلوق میں سب سے بہتر تھا اُس کو خلیفہ بنا کے آیا ہوں پھر اُن کی اِستقامت کے لیے بہت دُعامانگی اَور اُن کو بہت سی نصیحتیں فرمائیں، بعد میں جو اُن کی زندگی کا دستورالعمل رہیں۔ حضرت صدیق رضی اللہ عنہ نے خلافت نامہ لکھوانے سے پہلے عام رائے کا اَندازہ بھی کر لیا تھا، حضرت عبدالرحمن بن عوف وحضرت عثمان رضی اللہ عنہما وغیرہ سے دَریافت کرنا اِسی مقصد سے تھا پھر خلافت نامہ حضرت صدیق رضی اللہ عنہ نے اَپنے غلام کو دیا کہ جاؤ مجمع میں سنا دو اَور خود بالا خانے میں جا کر مجمع سے مخاطب ہو کر فرمایا کہ اے لوگو ! میں نے اَپنے کسی عزیز قریب کو خلیفہ نہیں بنایا بلکہ عمر بن خطاب کو بنایا ہے کیا تم سب اِس پر راضی ہو ؟ سب نے کہا سَمِعْنَا وَاَطَعْنَا۔ (جاری ہے) قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اَپنا چندہ بھی اِرسال فرمادیں اَوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)