ماہنامہ انوار مدینہ لاہور دسمبر 2010 |
اكستان |
 |
در س حدیث مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) حضرت اُویس قرنی رحمہ اللہ کی دُعا قبول ہوتی تھی۔والدہ کی خدمت کو عذر قرار دیا گیا ہے اہل ِیمن کا ایمان ، دِلوں کی نرمی اَور حکمت۔اِنسانوں پر جانوروں کے اَثرات پڑتے ہیں ( تخریج و تزئین : مولانا سیّد محمود میاں صاحب ) (کیسٹ نمبر 63 سا ئیڈB 28 - 11 - 1986 ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! یہاں تک تو بیان تھا صحابہ کرام رضوان اللہ علیہم اجمعین کا اِس کے بعد مختلف حضرات کا بیا ن آئے گا جو تابعین میں ہیں مثلًا یا اُمت کی فضیلت یا علاقوں کی فضیلت وہ ذکر کی جارہی ہے سب سے پہلے حضرتِ اُویس قرنی رحمہ اللہ کا ذکر ہے حضرتِ عمر رضی اللہ تعالیٰ عنہ فرماتے ہیں کہ جنابِ رسول اللہ ۖ نے اِرشاد فرمایا کہ ایک شخص تمہارے پاس یمن سے آئے گا اُسے اُوَیس کہا جاتا ہے اَور لَایَدَعُ بِالْیَمَنِ غَیْرَ اُمٍّ لَّہ یمن میں وہ صرف والدہ کو چھوڑکر آئے گا گھر میں، یعنی ہے ہی اُس کے رشتہ داروں میں صرف والدہ ،علامت بتائی قَدْ کَانَ بِہ بَیَاض اُن کو سفیدی تھی سفیدی کا مطلب ہے برص پھلبہری یہ بیماری تھی فَدَعَا اللّٰہَ اُنہوں نے دُعاء کی اللہ تعالیٰ سے فَاَذْھَبَہُ اللہ تعالیٰ نے وہ دُور فرمادی اِلَّا مَوْضِعَ الدِّیْنَارِ صرف اِتنی سی جگہ جتنی دینار کی ہوتی ہے یا درہم کی ہوتی ہے اِتنی سی جگہ وہ سفیدی رہ گئی یعنی برص کا عارضہ رہ گیا۔ اَور یہاں یہ بھی اِشارہ ہے اِس میں کہ اُن کے نہ آنے کی وجہ اُن کی والدہ ہیں سوائے والدہ کے اُن کا کوئی نہیں اِس کا مطلب یہ ہے کہ اُن کی والدہ کے لیے بھی سوائے اُن کے اَور کوئی نہیں تو میرے پاس نہ آنے کی