ماہنامہ انوار مدینہ لاہور دسمبر 2010 |
اكستان |
 |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٥نومبر کو شیخ الحدیث حضرت مولانا سیّد محمودمیاں صاحب جامعہ کے فاضل مولانا محمد مدنی صاحب کی دعوت پر اَوکاڑہ تشریف لے گئے جہاں آپ نے لکڑ منڈی کی جامع مسجد میں درس دیا ، بعد اَزاں بیعت کے خواہش مند حضرات نے بیعت کی۔ ١٢ نومبر کو شیخ الحدیث حضرت مولانا سیّد محمودمیاں صاحب جامعہ کے فاضل مولانا خبیب صاحب کی دعوت پر شیخوپورہ کے مضافات میں سیرت کے جلسے میں شرکت کی اَورمختصر بیان فرمایا۔ ١٠ذی الحجہ /١٧نومبر کو جامعہ مدنیہ جدید کی مسجد حامد میں عید الاضحی کی نماز شیخ الحدیث حضرت مولانا سیّد محمودمیاں صاحب نے پڑھائی۔ ٢٤نومبر کو شیخ الحدیث حضرت مولانا سیّد محمودمیاں صاحب شیخ شمس الدین صاحب کی اہلیہ صاحبہ کے جنازہ میں شرکت کے لیے جڑانوالہ تشریف لے گئے۔شیخ صاحبان کی خواہش پر حضرت نے نماز ِ جنازہ پڑھائی اَور رات گئے بخیریت گھرواپسی ہوئی،والحمد للہ۔ ٢٠ذی الحجہ /٢٧نومبر سے جامعہ مدنیہ جدید میں عید الاضحی کی تعطیلات کے بعد تعلیم شروع ہوگئی۔ جامعہ مدنیہ جدید کے فوری توجہ طلب ترجیحی اُمور (١) زیر تعمیرمسجد حامد کی تکمیل(٢) طلباء کے لیے مجوزہ دَارالاقامہ (ہوسٹل) اور درسگاہیں(٣) اَساتذہ اور عملہ کے لیے رہائش گاہیں(٤) کتب خانہ اور کتابیں (٥) زیر تعمیرپانی کی ٹنکی کی تکمیل ثواب جاریہ کے لیے سبقت لینے والوں کے لیے زیادہ اَجر ہے ۔