Deobandi Books

اَور اِن محرابوں کو شیشے کے رنگا رنگ مختلف ٹکڑوں سے سجایا گیا ہے جن کی چمک اَور دمک اُسی طرح قائم ہے  جس طرح اُس کے آغاز میں تھی ۔مدرسہ کی چھتوں پر لکڑی کا عمدہ اَور نفیس کام اُس وقت کے کاریگروں کی صلاحیتوں کا منہ بولتا ثبوت ہے۔ 
فیض میں ایک دن گزارنے کے بعد ہم دوبارہ دارالحکومت رباط لوٹ آئے کیونکہ ہمارا ہوٹل رباط میں بُک تھا مگر ٹرین میں ہمیں ایک نوجوان یوسف مل گیا اُس سے اِتنی دوستی ہو گئی کہ وہ ہمیں اِصرار کر کے  اپنے گھر لے گیا ہم نے رات اُس کے یہاں بسر کی اَور اگلی صبح مرکیش کے لیے روانہ ہوئے۔ رات ہم نے مرکیش میں گزاری اَور پھر صبح گیارہ بجے ہماری لوٹن کے لیے فلائٹ تھی۔ ایئر پورٹ پہنچے تو پتہ چلا کہ فلائٹ لیٹ ہے اَب فلائٹ رات سات بجے روانہ ہو گی۔ ائیر لائن والوں نے اعلان کیا کہ ہم آپ کو اِس وقت ریسٹورنٹ لے جا رہے ہیں وہاں آپ کو دوپہر کا کھانا کھلایا جائے گا اَور پھر واپس پانچ بجے ائیر پورٹ لے جایا جائے گا چنانچہ وہ ہمیں کوچوں میں بٹھا کر شہر کے عین وسط میں ایک ریسٹورنٹ میں لے گئے ریسٹورنٹ والوں نے بڑا پُرتکلف کھانا پیش کیا اَور مسافروں کا دِل بہلانے کے لیے مراکش کے روایتی گیت پیش کیے جس سے مسافروں کے چہروں سے وہ اَفسردگی اَور دِلوں سے وہ غم و غصہ کافور ہو گیا جو فلائٹ کے لیٹ ہونے کی وجہ سے موجود تھا۔
 کھانا کھانے کے بعد ہم نماز ِعصر کے لیے ایک قریبی مسجد گئے جہاں اِس سے پہلے بھی کئی نمازیں اَدا کر چکے تھے۔ نماز کے بعد دیکھا تو میرے شوز غائب تھے بڑی پریشانی ہوئی جوتے کافی قیمتی تھے میں نے سفر کے لیے چالیس پونڈ کے خریدے تھے ،جب ہمارے جوتے چوری ہونے کا وہاں کے نمازیوں کو پتہ چلا تو اُنہوں نے اِس پر بے حد شرمندگی اَور معذرت کا اِظہار کیا۔ تین نوجوان نمازی مجھے اپنے ساتھ جوتوں کی دُکان پر لے گئے میں نے وہاں سے جوتے خریدے اَور پیسے دینے لگا تو اُنہوں نے کہا کہ پیسے آپ نہیں دیں گے  میں نے بہت اِصرار کیا اَور جیب سے پیسے بھی نکال کر اُن کو دِکھائے اَور کہا کہ میرے پاس پیسے موجود ہیں مگر اُنہوں نے میری ایک نہ مانی اَور کہا کہ جو کچھ ہوا اِس پر ہم شرمندہ ہیں اَور معافی چاہتے ہیں آپ ہمارے مہمان ہیں ہم مہمانوں سے پیسے نہیں لیتے،واپس آ کر ساری بات میں نے اپنے ساتھیوں کو بتائی تو وہ بہت حیران ہوئے اِس موقع پر میں نے اُن کو ایک لطیفہ سنایا جو بڑا بر موقع تھا لطیفہ یہ تھاکہ ایک دیہاتی آدمی جیب میں دس