ماہنامہ انوار مدینہ لاہور اگست 2010 |
اكستان |
 |
رجوع بہت زیادہ تھا مگر بعد میں کم ہوگیا اَور اُن کے یہاں کے طلباء بھی میرے یہاں آنے لگے۔یہ سب برکتیں اُن ذوات ِ مقدسہ کی تھیں جن کی جوتیاں اُٹھانے کا شرف بہ عنایت ِ اِیزدی حاصل ہوا تھا الخ۔''(نقش ِ حیات ص ١١٥ ج ١)
اِس خدادا دشہرت اَور قابلیت کی بنا ء پر آپ کے معاصرین بھی آپ کی علمی لیاقت کے معترف تھے چنانچہ مولانا عاشق الٰہی صاحب میرٹھی باجود اِختلاف نظریہ ١ کے تذکرة الرشید میں آپ کے متعلق تحریر فرماتے ہیں :
''دستار ِخلافت امام ربانی قدس سرہ کی قولی و فعلی خلافت کے مجموعہ کے مثال میں آپ کے خلفاء کے اَندر صرف یہی دو حضرات(مولانا محمد صدیق صاحب اَور شیخ الاسلام مولانا سیّد حسین احمد صاحب) پیش کیے جاسکتے ہیں جن کے کمالات ِ علمیہ و عملِیہ اِسی سے ظاہر ہیں کہ مدنی مہاجر اَور بطحائی پیغمبر ۖ کے پڑوسی ہیں۔ مولانا حسین احمدصاحب کا درس بحمداللہ حرم نبوی میں بہت عروج پر ہے اَور عزت وجاہ بھی حق تعالیٰ نے وہ عطاء فرمایا ہے کہ ہندی علماء کو کو کیا معنی، یمنی اَور شامی بلکہ مدنی علماء کو بھی وہ بات حاصل نہیں ہے۔ آپ سرتا پاخلق، مہمان نواز، غیور، باحیاء اَور بعض اُن صفات ِ حمیدہ سے متصف ہیں جن پر دیکھنے والوں کو حیرت ہوتی ہے۔'' (تذکرة الرشید ص ٠٩ ١ ج ٢)
یوں عالِم ہونا اَور علوم و فنون میں کمالات حاصل کرنا تو کچھ دُشور نہیںاگر کوشش کی جائے تو بفضلہ ایزدی آج بھی حافظ ابن حجر امام ابن ہمام ہو سکتے ہیں کیونکہ علم کا دروازہ بند نہیں ہے اَور نہ کسی خاص طبقہ کے لیے مخصوص ہی ہے لیکن شرط یہ ہے جتنا علم حاصل کیا جائے اُس پر عمل بھی کیاجائے تو علوم کے دروازے کھول دیے جاتے ہیں، حدیث شریف میں مذکور ہے :
مَنْ عَمِلَ مَایَعْلَمُ عَلَّمَہُ اللّٰہُ مَالَمْ یَعْلَمْ ۔
''جس نے اپنے علم پر عمل کیا اُس کو وہ علم عنایت ہوتا ہے جو نہیں جانتا تھا۔''
١ مولانا عاشق الٰہی صاحب میرٹھی کو اِن ہی الفاظ سے مولانا محمد میاں صاحب نے اپنی کتاب حیات شیخ الاسلام میں لکھا ہے۔