ماہنامہ انوار مدینہ لاہور جولائی 2010 |
اكستان |
|
ختم ِ بخاری شریف جامعہ مدنیہ جدید میں تقریب ختم ِ بخاری شریف کی مختصر رُوداد ١٤ رجب المرجب مطابق ٢٧ جون بروز اتوارصبح ساڑے نو بجے جامعہ مدنیہ جدید میں ختم ِ بخاری کی مبارک اَور مختصر تقریب ہوئی۔ تقریب کا آغاز قاری مختار الدین صاحب کی تلاوت سے ہوا پھر جامعہ مدنیہ جدید کے فضلاء میواتی برادران نے اپنے مخصوص اَنداز میں نعت پڑھی،بعد اَزاں اُنہوں نے بانی ٔ جامعہ حضرت اَقدس پر ایک جاندار نظم پیش کی۔ اِس کے بعداُستاذ الحدیث حضرت مولانا محمد حسن صاحب نے مختصر بیان فرمایا۔ بعد اَزاںباغبان ِ گلشن ِ حامد مہتمم جامعہ شیخ الحدیث حضرتِ اقدس مولانا سید محمود میاں صاحب تشریف لائے ۔ آپ نے بخاری شریف کی آخری حدیث کا درس دیا اَور اپنے شاگردوں کو اَنمول نصائح اور شفقت بھری دُعاؤں سے نوازا اَور آخر میں اساتذہ کرام نے عزیز طلباء کی دستار بندی کی۔ اِس طرح یہ مبارک محفل حضرت مہتمم صاحب کی دُعا پر اِختتام پزیر ہوئی۔ اَوّل پوزیشن حاصل کرنے والے مولوی امین الرحمن بن سیّد خان، مولوی محمد سیف اللہ بن محمد رحیم کو پہلا اِنعام دیا گیا جبکہ مولوی سیف الرحمن بن کشور خان کو دُوسرا اَور مولوی محمد عثمان بن عبدالحمید ساجدکو تیسرا اِنعام دیا گیا۔ اِس سال جامعہ مدنیہ جدید میں طلباء کو کمپیوٹر کی تعلیم بھی دی گئی،جامعہ کے فاضل مولوی محمد عطاء اللہ صاحب مخدوم کی زیر نگرانی دورہ ٔحدیث کے پندرہ طلباء نے کمپیوٹرکی تعلیم حاصل کی جنہوں نے امتحان میں کامیابی کے بعد اَسناد حاصل کیں۔ اللہ تعالیٰ اِس اِدارے کی اور تمام دینی مدارس و مکاتب کی حفاظت فرمائے اور اِن کی تمام دینی و ملی خدمات کو قبولیت سے سرفراز فرماکر مزید کی توفیق عطاء فرمائے، آمین بحرمة خاتم النبین ۖ ض ض ض