ماہنامہ انوار مدینہ لاہور مئی 2010 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) حضرت مہتمم صاحب کے اَسفار : (بقلم اِنعام اللہ ،متعلم جامعہ مدنیہ جدید ) ١٦ اپریل کو بعد نمازِ جمعہ شیخ الحدیث حضرت مولانا سید محمود میاں صاحب جامعہ مدنیہ جدید کے اُستاذ الحدیث مولانا امان اللہ صاحب کی والدۂ مرحومہ کی تعزیت کے لیے دامان اَٹک کے لیے روانہ ہوئے رات گیارہ بجے کے قریب دامان پہنچے رات کا قیام یہیں ہوا،اَگلے روز حضرت صاحب نے اُستاذ الحدیث مولانا امان اللہ صاحب اَور اُن کے بڑے بھائی اَنوارا للہ صاحب اَور دیگر سوگواروں سے تعزیت کی۔ دو پہر بارہ بجے مولانا امان اللہ صاحب سے اِجازت لے کر سخا کوٹ کے لیے روانہ ہوئے، شام چار بجے سخا کوٹ پہنچے۔ ١٩ اپریل کو سخا کوٹ سے واپسی پر دِن کے گیارہ بجے دارلعلوم شیر گڑھ تشریف لے گئے جہاں دارالعلوم کے نائب مہتمم مولانا طیب صاحب مدظلہ سے ملاقات کی مختصر قیام کے بعد اُن سے اجازت چاہی اَور براستہ عمر زئی پشاور کے لیے روانہ ہوئے۔ عمر زئی میں حضرت مولانا سیّد حسین احمد صاحب مدنی کے شاگرد فاضل ِ دیوبندحضرت مولانا قاضی فضل ِمنان صاحب کی عیادت کی۔عمر زئی میں حضرت مولانا عبدالجلیل صاحب رحمة اللہ علیہ کے صاحبزادے ڈاکٹر طیب صاحب کی طرف سے دوپہر کے کھانے کا انتظام تھا، حضرت کی اِن کے گھر تشریف آوری پر ڈاکٹر صاحب کے بڑے بھائی ڈاکٹر فیض الرحمن صاحب بھی پشاور سے حضرت کی زیارت کے لیے روانہ ہوچکے تھے تھوڑے ہی وقت میں ڈاکٹر فیض الرحمن صاحب بھی پہنچ گئے دونوں بھائیوں نے حضرت کی اُن کے یہاں تشریف آوری پر دِل سے شکریہ اَدا کیا ،حضرت دونوں بھائیوں اَور ہمارے جامعہ کے طالب علم بھائی محمد مشتاق اَور بھائی محمد ابراہیم سے اجازت لے کر پشاور کے لیے روانہ ہوئے، رات ساڑھے آٹھ بجے پشاور میں بھائی خالدخان صاحب کے گھر تشریف لے گئے بعد اَزاں محترم ڈاکٹر اَرشد تقویم صاحب کاکا خیل اَور ڈاکٹر عبدالماجد صاحب اَور حضرت مولانا مفتی ذاکر حسین صاحب نعمانی حضرت سے ملاقات کے لیے خالد صاحب کی رہائشگاہ پر تشریف لائے کافی دیر تک مختلف اُمور پر گفتگو ہوتی رہی۔اگلے دِن صبح دس بجے پروفیسر ڈاکٹر عبدالدیان صاحب کی تعزیت کے لیے اُن کے بیٹے انیس الرحمن