ماہنامہ انوار مدینہ لاہور مئی 2010 |
اكستان |
|
درسِ حدیث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) اِسلام کے بارے میں مستشرقین کی خیانتیں اَور اُن کے جوابات حضرت عمر رضی اللہ عنہ کی سیاسی اور اِقتصادی دُور اَندیشی غلاموں کی آزادی ٔ رائے اَور اِسلامی معاشرہ خلفائے اَربعہ کے بعد حضرت ابن ِمسعود کا علمی مقام حضرت اَبوسفیان کا اعترافِ تقصیر اَور اُس کی تلافی ( تخریج و تزئین : مولانا سیّد محمود میاں صاحب ) (کیسٹ نمبر 61 سا ئیڈ B 05 - 09 - 1986 ) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! صحابۂ کرام رضی اللہ عنہم اجمعین کی فضیلت کے جو باب چل رہے تھے اُن میں یہ آتا ہے ایک حدیث میں ہے حضرتِ علی رضی اللہ تعالیٰ عنہ روایت فرماتے ہیں کہ ہر نبی کے سات خاص آدمی ہوتے ہیں یہ پہلے سے چلا آیا ہے طریقہ اللہ کا کہ ہر نبی کو کچھ آدمی ملتے رہے ہیں سَبْعَة نُجَبَائُ وَرُقَبَائُ ۔ نُجَبَائُ نَجِیْب کی جمع ہے'' نجیب'' شریف کو کہتے ہیں رُقَبَائُ رَقِیْب کی جمع ہے ''رقیب'' نگران کو کہتے ہیں یعنی خاص لوگ ہوئے جن میں اللہ نے وہ جو ہر رکھا ہے پاکیزگی کا اَور ہر نبی کے ساتھ وفاداری کا جیسے کہ وہ اُن کی حفاظت کرتا ہو نگہداشت کرتا ہو یا جانثاری کرتا ہو، اپنے بارے میں اِرشاد فرمایا کہ مجھے سات نہیں چودہ دِیے گئے۔