ماہنامہ انوار مدینہ لاہور مئی 2010 |
اكستان |
|
عبدالقیوم صاحب حقانی زید مجدہم شکریہ کے مستحق ہیں کہ اُنہوں نے اِن خطوط کو کتابی شکل میں شائع کرکے اِن سے استفادہ عام کردیا ہے فَجَزَاہُ اللّٰہُ اَحْسَنَ الْجَزَائِ ۔ نام کتاب : یادگار تحریریں مرتب : مولانا محمد اسحٰق صاحب صفحات : ٥٦٠ سائز : ١٦/٣٦x٢٣ ناشر : اِدارہ تالیفات ِ اشرفیہ ملتان گزشتہ شمارے میں ''یادگار ملاقاتیں'' نامی کتاب پر تبصرہ کرتے ہوئے راقم الحروف نے تحریر کیا تھا کہ ''مولانا محمداسحٰق صاحب زید مجدہم مدیر اِدارہ تالیفاتِ اشرفیہ نے اپنے اِدارہ میں اشاعت کا ایک یادگار سلسلہ قائم فرمایا ہے جس کی چار کڑیاں ہیں''۔ زیرِ تبصرہ کتاب اِسی سلسلہ کی چوتھی کڑی ہے یہ کتاب کافی عرصہ پہلے ٨/٢٦x٢٠ سائز کی دو جلدوں میں شائع ہوئی تھی اَب اِسی کتاب کو جدید اَنداز میں ایک ہی جلد میں شائع کیا گیا ہے۔ اِس کتاب میں اکابر علمائے دیوبند کی تقریبًا پون صدی قبل لکھی جانے والی علمی اَدبی اَور تاریخی تحریریں جمع کی گئی ہیں، جدید اَیڈیشن کے دو حصّے ہیں حصۂ اوّل کا مأخذ ١٣٣٢ھ تا ١٣٣٦ ھ کے القاسم و اَلرشید اَور دیگر جرائد ہیں جبکہ حصّہ دوم میں حضرت مولانا اَنظر شاہ صاحب کشمیری کے وہ اَدبی اَور اصلاحی مضامین دیے گئے ہیںجو اِسلام کے اہم موضوعات کے علاوہ تقریبًا ساٹھ مشاہیر دیوبند کے مختصر تذکرے اَور جامع سوانح پر مشتمل ہیں، شروع کتاب میں اَکابر دیوبند کی تحریرات کے عکس بھی تبرکًا دیے گئے ہیں، اکابر سے تعلق رکھنے والے حضرات کے لیے خصوصًا اَور تاریخ و تذکرہ کے طلباء کے لیے عمومًا اِس کتاب کا مطالعہ مفیدرہے گا۔ نام کتاب : خطبات حضرت جی افادات : حضرت مولانا محمد یوسف کاندھلوی صفحات : ٤٨٠