ماہنامہ انوار مدینہ لاہور اپریل 2009 |
اكستان |
|
حرف آغاز نحمدہ ونصلی علٰی رسولہ الکریم امابعد ! حکومت ِ پاکستان سوات ومالاکنڈ ایجنسی کے عوامی دباؤ کے آگے بالآخر ہتھیار ڈال کر وہاں پر شرعی عدالتیں قائم کرنے پر مجبور ہوگئی اور اِس کی بدولت انگریز کے فرسودہ قوانین کی جگہ اِسلام کے عادلانہ نظام کے تحت رعیت کو اپنے جائز حقوق تک جلد اور سستی رسائی کی راہ ہموار ہوگئی اِس کامیابی پر وہاں کے عوام اور قائدین مبارک باد کے مستحق ہیں۔ دُوسری طرف اِسلام کے اَزلی دُشمن عیسائی یہود اورہنودپر اِسلامی قوانین کے اجراء کا عمل برق بن کر گراہے جس کی وجہ سے اُن کی راتوں کی نیندیں حرام ہوگئیں ہیں اور اَب وہ سرجوڑ کر بیٹھے اِس نظام کی ناکامی کے لیے دن رات کوشاں ہیں۔ میڈیا مسلسل منفی اور جھوٹا پروپیگنڈا کرکے رائے عامہ کو گمراہ کرنے کی سرتوڑ کوششیں کر رہا ہے۔اِن حالات میں تحریک کے قائدین کو نہایت بیدارمغزی سے کام لیتے ہوئے مخالفین کے مکرو فریب پر گہری نظر رکھنی ہوگی خاص کر اِن حالات میں جبکہ مسلمانوں ہی کی سیاسی اور عسکری قوتیں کفر سے نہ صرف خائف ہیں بلکہ اُن کے مذموم مقاصد کی تکمیل میں اُن کی شریک ِکار بھی ہیں۔ لہٰذا اِس نازک موقع پر تحریک کے قائدین باہمی رنجشوں کو بھلا کر اپنی صفوں میں اتحاد قائم رکھتے ہوئے ملک کی اہم مذہبی اور سیاسی جماعتوں سے مسلسل اَور قریبی رابطہ قائم رکھیں تاکہ کفر کی سازشوں کو ناکام بنا