ماہنامہ انوار مدینہ لاہوراکتوبر 2002 |
اكستان |
|
حرف آغاز نحمدہ و نصلی علی رسولہ الکریم امابعد! ١٠ ستمبرکے روز نا موںکے مطابق اے آر وائی ٹی وی کے پروگرام نیوز اینڈ ویوز میں برطانوی اخبار کے حوالہ سے بتایا گیا ہے کہ سعودی حکام کا کہنا ہے کہ سعودی عرب میں ہونے والے بم دھماکوں میں برطانوی سفارتخانہ ملوث ہے دستاویز ات کے مطابق اس جرم میں پانچ برطانوی ،ایک کینیڈین او رایک بیلجیئن باشندے گرفتار کئے گئے ہیں۔ برطانیہ کی جانب سے کسی ملک میں غارت گردی کی کارروائی کرنا یا اس کی سر پرستی کرنا کوئی نئی یا تعجب کی چیز نہیں ہے یہ چیز تو برطانوی سُورمائوں کے خمیر میں داخل ہے ۔یہ وہ قوم ہے جو ایسٹ انڈیا کمپنی کے تجارتی لبادہ میں ڈاکو بن کر ہندوستان میں داخل ہوئی اور پورے برصغیر کو دیمک کی طرح چاٹ گئی اور اپنے پیچھے نہ ختم ہونے والے قومی ،لسانی اور علاقائی مسائل پیدا کر گئی تاکہ آئندہ پنپنے کے امکانات کو کم تر کر دیا جائے۔ یہی وہ قوم ہے جس نے سازش کرکے خلافتِ عثمانیہ کو پارہ پارہ کیا۔ عربوں میں باہم نفرت کو ہوا دے کر درجنوں غیر مستحکم ریاستوں میں تقسیم کر دیا ان کے بیچ اسرائیل نامی یہودی ریاست قائم کی جس کی شرارتوں سے پوری دُنیا غیر محفوظ ہوتی چلی جا رہی ہے ۔حقیقت یہ ہے کہ یہ ملک عالمی سطح پر دہشت گردی اور ناانصافیوں کی روِش پر تقریباً ڈیڑہ سو سال سے چل رہا ہے بعد ازاں اُن تمام سرگرمیوں میں امریکہ اس کا برابر شریک چلا آرہاہے۔