ماہنامہ انوار مدینہ لاہور جولائی 2017 |
اكستان |
 |
قطع نہیں کیے،دیگر ضروری اقدامات کے ساتھ مسلمانوں کی کھل کر کیوں مدد نہ کی ، اس کے برخلاف اپنے ہی مسلم عرب ملک کے خلاف اس قدر شدت ............... ؟ ؟ سعودی عرب کی قیادت میں اس ناقابلِ فہم اقدام نے ہر مسلمان کو بے اطمینان کر رکھا ہے ہماری حکومت کو بھی چاہیے کہ وہ اس بحران کو ختم کرنے کے لیے اپنی مخلصانہ کوششوں میں کوئی کسر نہ اُٹھا رکھے، سعودی عرب اور دیگر عرب ممالک بھی اپنی سوچ پر نظر ثانی کرتے ہوئے لچک پیدا کریں اور اپنے باہمی اختلافات کو بات چیت کے ذریعہ باوقار انداز اختیار کرتے ہوئے حل کریں تاکہ عالمِ کفر میں پہلے سے جاری ہماری ''جگ ہنسائی'' مزید رُسوائی کا سبب نہ بنے۔ .................خانقاہِ حامدیہ اور رمضان المبارک بحمد اللہ خانقاہ ِ حامدیہ میں حسب ِ معمول گزشتہ برسوں کی طرح اس برس بھی رمضان المبارک میں ملک کے مختلف شہروں سے آئے ہوئے سالکانِ طریقت نے مسجد حامد میں شیخ الحدیث حضرت مولانا سیّد محمود میاں صاحب دامت برکاتہم کی معیت میں اعتکاف کیااور سلوک واحسان، ریاضت و مجاہدہ میں مشغول و مصروف رہے۔ حضرت مولانا سیّد محمود میاں صاحب مدظلہم کی جانب سے مسترشدین و مریدین کے لیے کچھ اجتماعی اعمال اور کچھ حسب ِ حال ہر ایک کے لیے انفرادی اعمال کی ہدایات تھیں،اللہ تعالیٰ قبول فرمائے،آمین۔