ماہنامہ انوار مدینہ لاہور اپریل 2017 |
اكستان |
 |
علمی مضامین سلسلہ نمبر١٤ قسط : ٤ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ مسلم پیدائش سے وفات تک سنن مستحبا ت، بدعات و مکروہات ( شیخ الحدیث حضرت مولانا سیّد محمد میاں صاحب )کسب ِمعاش : آنحضرت ۖ کاارشاد ہے : طَلَبُ کَسْبِ الْحَلَالِ فَرِیْضَة بَعْدَ الْفَرِیْضَةِ ۔ ١ ''اللہ تعالیٰ کے فرض (نماز) کے بعد جو دوسرا فرض عائد ہوتا ہے وہ ہے حلال روزی کی طلب و جستجو۔ '' چنانچہ اللہ تعالیٰ کا ارشاد ہے : ( فَاِذَا قُضِیَتِ الصَّلٰوةُ فَانْتَشِرُوْا فِی الْاَرْضِ وَابْتَغُوْا مِنْ فَضْلِ اللّٰہِ وَاذْکُرُوا اللّٰہَ کَثِیْرًا لَّعَلَّکُمْ تُفْلِحُوْنَ ) ( سُورة الجمعة : ١٠ ) ''جب پوری ہوچکے نماز توپھیل جاؤ زمین میں اور تلاش کرو اللہ کے فضل کواور اللہ کو بکثرت یاد کرتے رہو۔ '' ------------------------------ ١ مشکوة شریف کتاب البیوع رقم الحدیث ٢٧٨١