ماہنامہ انوار مدینہ لاہور اپریل 2017 |
اكستان |
 |
صحابہ کرام کا سب سے بڑا مقصد رضائے اِلٰہی کا حصول تھا وہ اس کے لیے ہر وقت کو شاں رہتے قرآنِ حکیم میں ہے کہ صحابہ کرام رکوع کرتے تھے، سجدہ کرتے تھے یہ سب کچھ اللہ کی رضا کے لیے ہی کرتے تھے ( یَبْتَغُوْنَ فَضْلًا مِّنَ اللّٰہِ وَرِضْوَانًا) حضور اکرم ۖ کی اِس دُعا میں کانوں کو مقدم کیا گیا ہے، کانوں کی عافیت کی دُعا آنکھوںسے پہلے طلب کی گئی ہے یہ اِس لیے کہ کان آنکھ سے زیادہ کار آمد ہیں، اِنسان آنکھوں کی بہ نسبت کانوں سے زیادہ کام لیتا ہے کان سے آدمی سننے میں روشنی کامحتاج نہیں، اندھیرے میں بھی کان سے کام لیا جاسکتاہے اِس کے ذریعہ سے سنا جاسکتا ہے، کان سے کام لینے کے لیے رُخ پھیرنا بھی ضروری نہیں رُخ پھیرے بغیر بات سُنی جا سکتی ہے بخلاف آنکھ کے کہ بغیر روشنی کے اِس سے کام نہیں لیا جاسکتا، روشنی نہ ہو تو آنکھ سے کوئی چیز نہیں دیکھ سکتے آنکھ سے کام لینے کے لیے اُس طرف رُخ پھیرنا بھی ضروری ہوتا ہے کیونکہ اِس کے بغیر دیکھا نہیں جاسکتا، ایک اِنسان آنکھوں کی بہ نسبت کانوں سے زیادہ معلومات حاصل کر سکتا ہے قرآنِ کریم میں بھی کانوں ہی کو مقدم فرمایا گیا ہے اِ رشاد ہے (اِنَّ السَّمْعَ وَالْبَصَرَ) آنحضرت ۖ کے یہ کلمات قرآنِ کریم کے عین مطابق ہیں قرآن میں بھی یہی تر تیب رکھی گئی ہے۔ رسولِ اکرم ۖ نے فرمایا ہے کہ اِیمان کے بعد عافیت سے بڑی چیز کوئی نہیں، آقائے نامدار ۖ کا اِرشاد بالکل بر حق ہے کسی کو ہر طرح کی را حتیں میسر ہوں مگر وہ بیمارہو تو گویا کچھ بھی نہیں، عافیت نصیب نہ ہو تو دُنیا کے لذائذ و تمتعات سے آدمی کبھی بھی لطف اندوز نہیں ہو سکتا، زندگی بغیر عافیت کے سر ا سر مصیبت ہے اگرکسی اِنسان کو کچھ بھی میسر نہیں مگر عافیت کی دولت نصیب ہے تو وہ خوش قسمت ہے عا فیت کا مطلب ہے بے فکری، پریشانیوں سے آزاد ہونا، دل کا مطمئن ہونا، غم وآلام سے پناہ میں رہنا۔ (بحوالہ ہفت روزہ خدام الدین لاہور ٣١جنوری ١٩٦٩ئ)