ماہنامہ انوار مدینہ لاہور اپریل 2017 |
اكستان |
 |
پڑوسی : (١) ارشاد ہوا : خدا کی قسم مومن نہیں ،خدا کی قسم مومن نہیں، خدا کی قسم مومن نہیں ! عرض کیا گیا کون یا رسول اللہ ؟ فرمایاجس کا پڑوسی اُس کی ایذاء سے محفوظ نہ رہے۔ (بخاری شریف ص ٨٨٩) (٢) ارشاد ہوا : جبرئیل علیہ السلام برابر پڑوسی کے حق میں مجھے وصیت کرتے رہے یہاں تک کہ مجھے خیال ہونے لگا کہ شاید اِس کو وارث بنادیا جائے گا۔ ١ (٣) وہ شخص مومن کہلانے کے قابل نہیں جو اپنا پیٹ بھر لے اور اُس کا پڑوسی بھوکا پڑا رہے۔ ٢عام مسلمان اور عام انسان : رسول اللہ ۖ کا ارشاد ہے مسلم وہ ہے کہ اُس کے ہاتھ اور زبان سے مسلمان محفوظ رہیں اور مومن وہ ہے جس کے خطرہ سے تمام انسان محفوظ رہیں (کسی کو اُس کی طرف سے برائی کا خطرہ نہ ہو)۔ ٣ ارشاد ہوا : زمین والوں پر رحم کرو، آسمان والا تم پر رحم کرے گا۔ (تر مذی شریف ص١٤)عام جاندار : ارشاد ہوا : ہر تر جگر والے پر رحم کرنے میں ثواب ہے ۔(بخاری شریف ص ٨٨٩) (جاری ہے ) قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اور اِس کا نقصان طرفین کا نقصان ہے اس لیے آپ سے گزارش ہے کہ اس رسالہ کی سرپرستی فرماتے ہوئے اپنا چندہ بھی اِرسال فرمادیں اوردیگر احباب کوبھی اِس کی خریداری کی طرف متوجہ فرمائیں تاکہ جہاں اس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(اِدارہ) ------------------------------ ١ مسلم شریف ج ٢ ص ٣٢٩ ، بخاری شریف ص ٨٨٩ ٢ مشکوة بحوالہ بیہقی ٣ تر مذی شریف