ماہنامہ انوار مدینہ لاہور مئی 2016 |
اكستان |
|
شعبہ کمپیوٹر کے نگران فاضلِ جامعہ مولانا ذیشان صاحب چشتی نے سامعین کو جامعہ مدنیہ جدید کے شعبہ کمپیوٹر کی خدمات اور ویب سائٹ سے متعارف کرایا، جامعہ کے اُستاذ الحدیث مولانا محسن گلزار صاحب نے تخصص فی الحدیث کے طلباء کے تحریر کردہ تحقیقی مقالات کی تفصیلات بیان کیں۔ بعد اَزاں شیخ الحدیث حضرت مولانا سیّد محمود میاں صاحب نے بخاری شریف کی آخری حدیث پڑھی اور ''اُمت اور عالمی قیادت'' پر نہایت پُر اَثر بیان فرمایا بعد اَزاں جامعہ کے فضلاء کی دستار بندی ہوئی ، اِجتماعی دُعا سے قبل فارغ التحصیل طلباء میں سے پانچ کااِجتماعی نکاح بھی ہوا۔ اِس مبارک تقریب میں فضلاء کے رشتہ دار اور معزز حضرات جن میں مفتی محمد سعید صاحب اور وفاق المدارس کے مسئول مفتی عزیز الرحمن صاحب اور دیگر بہت سے مہمانانِ گرامی ملک بھر سے تشریف لائے تھے، صبح نو بجے تقریب کا آغاز ہو کر دوپہربارہ بجے اِختتام ہوا۔ ٢١ اپریل کو شیخ الحدیث حضرت مولانا سیّد محمود میاں صاحب، حافظ ندیم صاحب کی دعوت پر سالانہ تقسیمِ اَسناد پرو گرام میں شرکت لیے ٹوبہ ٹیک سنگھ تشریف لے گئے جہاں آپ نے برکاتِ قرآن پر تفصیلی بیان فرمایا۔ قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اپنا چندہ بھی اِرسال فرمادیں اور دیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(اِدارہ)