ماہنامہ انوار مدینہ لاہور مئی 2016 |
اكستان |
 |
کے عقائد کی تشریح مع دلائل، تفسیرآیات، تشریح معجزات، مستند قصص الا نبیائ، اَبحاث متعلقہ اِیمان، وجہ تسمیہ سورِ قرآنی، عصمت الانبیائ، اَحوال ائمہ حدیث، شرائط معمول بہا محدثین ، اثبات قدرة اِلٰہیہ، تراجمِ اَبواب سے اَحادیث ِ مرویہ کی مطابقت، شعب اِیمان وغیرہ کو با لتفصیل بیان فرما تے۔ اگر کوئی حدیث اِختلافی مسئلہ سے متعلق آتی تو تفہیمِ حدیث کے بعد اِختلافات ِائمہ بیان فرماتے اور پھر ہر اِمام کے جملہ دلائل بالتفصیل بیان فرماتے اور سب سے آخر میں مذہب ِ حنفی کو قوی دلائل سے مزین فرماتے اور دلائل کومع حوالہ بیان فرما تے، دیگر ائمہ کے دلائل کے چند قوی جوابات دے کر مذہب ِ حنفیہ کوحدیث سے مطابق فرماتے تھے۔ اُس وقت یہ معلوم ہوتا تھا کہ حنفی مذہب اَحادیث ِ نبویہ کے بالکل مطابق ہے اور اِمام اَبو حنیفہ کوتفقہ فی الدین میں دستگاہِ کامل حاصل ہے۔ مراتب ِصحابہ و تابعین و تبع تابعین، فقہ، حدیث، مذاہب، محدثین، اسامی محدثین، بلدان، رواةِحدیث واَو طانہم، اَنساب ِمحدثین، کنیاتِ صحابہ و تابعین واَتباعہم، قبائل رُواة، اَعمار محدثین وولادتہم وو فاتہم، اَلقاب محدثین فی الاسانید، زیادة الفاظ فقیہ بزیادة راوٍ، اَولادِ صحابہ، عللِ حدیث، رواة شاذہ، الفاظ ِ غریبہ کی تشریح، طبقاتِ محدثین، ذکر مد لسین، مغازی رسول اللہ ۖ وغیرہ جملہ لوازمِ درس حدیث کاآپ دورانِ درس اِلتزام فرما تے تھے۔ خصوصیاتِ درس : (١) دورانِ درس جب کسی پیغمبر کا اِسم گرامی آتا تو ''علیہ وعلیٰ نبینا الصلٰوة والتسلیم'' فرماتے اور اگر کسی صحابی کا نام تنہا آتا تو ''رضی اللہ تعالیٰ عنہ'' اور اگر سند ِحدیث میں دُوسرے اَکابر کے ساتھ آتا تو ''رضی اللہ عنہ وعنہم'' فرماتے اور اگرائمہ مذاہب ،علماء و اَولیائے سلف کا نام آتا تو'' رحمہ اللہ تعالیٰ'' فرماتے بشر طیکہ وہ اہلِ سنت والجماعت سے ہوں، اِس پر پابندی سے خود بھی عمل فرماتے اور طلبہ کو بھی تاکید فرماتے تھے۔ (٢) دورانِ درس ،طلبہ جس قدر بھی سوالات کرتے آپ اُن کے تسلی بخش جوابات عنا یت فرماتے حالانکہ رو زانہ اَو قاتِ درس کاایک معتد بہ حصہ اِس میں صرف ہوتا تھا، اِن سوالات میں درس