ماہنامہ انوار مدینہ لاہور مئی 2016 |
اكستان |
 |
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) دورُوحانی بیماریاں ....... خواہشات اور لمبی اُمیدیںاَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! حضرت جابر رضی اللہ عنہ سے روایت ہے کہ جنابِ رسول اللہ ۖ نے اِرشاد فرمایا کہ مجھے اپنی اُمت کے بارے میں جس بات کا سب سے زیادہ خدشہ ہے وہ غلبۂ خواہش ِ نفس اور درازی ٔاُمید ہے غلبۂ خواہش نفس تو حق سے روک دیتاہے اور اُمیدوں کی درازی آخرت کوبھلا دیتی ہے اور یہ دُنیا کوچ کر رہی ہے( یعنی دُور )جا رہی ہے اور وہ آخرت سفر کر رہی ہے (یعنی قریب) آرہی ہے اور اِن دونوں میں سے ہر ایک کی اَولاد ہے پس اگر تم ایسا کر سکو کہ دُنیا کی اَولاد نہ بنو تو ضرور کر لو کیونکہ تم آج دارُالعمل میں ہو اور کوئی حساب نہیں ہے اور کل تم دارِ آخرت میں ہو گے اور عمل نہ ہو(سکے )گا۔ یہ دونوں مرض ''ہوٰی'' اور ''طول الامل'' ضرر رساں ہوتے ہیں جس طرح اَمراضِ ظاہری نقصان دہ ہوتے ہیں اِسی طرح باطنی اَمراض بھی سرا سر مضرت رساں ہوتے ہیں، ظاہری اَمراض سے جان اور باطنی اَمراض سے اَخلاق و اِیمان جاتے ہیں۔ اِرشاد فرمایا کہفَاَمَّا الْہَوٰی فَیَصُدُّ عَنِ الْحَقِّ یہ خواہشات جو باطل کے موافق اور حق سے ہٹی ہوئی ہوں یہ اِنسان کو قبولِ حق سے روک دیتی ہیں،جب ایسی خواہشات کا غلبہ ہوجاتا ہے پھر جو جی میں آتاہے اِنسان وہی کچھ کر تا ہے عقل مغلوب ہوجاتی ہے حق کی تلاش نہیں رہتی اپنی خواہشات