ماہنامہ انوار مدینہ لاہور مئی 2016 |
اكستان |
 |
اَعلیٰ درجہ کی مطابقت تھی، آپ کا عمل تفسیرِ شریعت تھا جس کو دُنیا نے دیکھا، چونکہ آپ کی زندگی کا ہر ورق سامنے تھا کبھی آپ کے قول و فعل میں تخالف نہ پایا۔ نیز علومِ نبویہ کی نشرو اِشاعت کرنے والے کے لیے ضروری ہے کہ وہ دُوسرے اہلِ علم کا اِحترام کرے اور سلف ِ صالحین سے عقیدت رکھے اور اہلِ قبلہ کی تکفیر نہ کرے چنانچہ پوری زندگی اِس پر عمل پیرا رہے۔ درس کے وقت ضحک، ہزل نہ ہوتی تھی بلکہ حلم، وقار، رفق، مداراة کے ساتھ پیش آتے تھے، درس میں ہمیشہ با وضو رہتے تھے اور خوشبو اِستعمال فرما تے تھے اِس کے علاوہ تمام آدابِ علوم کواِختیار فرماتے۔ طریقہ ٔ درس : قراء ةِ حدیث کے بعد اَسنادِ حدیث کے متعلق تحقیق فرماتے، رُواة پرفن اَسماء الر جال کی حیثیت سے بحث فرما تے اور جرح وتعدیل فرما تے ، مناسب مو قع پر رواة کے حالات بیان فر ماتے، صحابہ کرام رضوان اللہ علیہم اجمعین میں سے جب کسی صحابی کا ذکر آتا تو اُن کی خصوصیات ذکر فرماتے اِس کے بعد متنِ حدیث کا مفہوم اِس طرح سمجھاتے کہ اچھی طرح ذہن نشین ہوجاتا تھا، حدیث میں جو مشکل الفاظ آتے تھے اُن کی لغوی تحقیق فرماتے، حدیث کے مراتب صحیح، حسن وغیرہ بیان فرماتے، اِس حدیث پر اگر کوئی اِعتراض وارِد ہوتا تو اُس اِعتراض کوبوضاحت بیان فرما تے اور اُس کے چند قوی جوابات جو مستند ہوں بیان فرماتے ، تعارضِ حدیث کواِس طرح دُور فرما تے کہ یقین کرنا پڑتا تھا کہ اِن میں کبھی تعارض ہی نہ تھا، ہرحدیث کا صحیح اور عمدہ محمل بیان فرماتے، اگر کوئی حدیث کسی جگہ مختصراً بیان کی گئی تو اُس کی تفصیل حدیث بیان فرماتے، تراکیب ِ نحویہ، تشریحِ مقامات، خصائصِ کتب، فنِ حدیث کی اِصطلاحات کی تشریح، عللِ اَحکام، اُ مورِ شر عیہ کے عقلی ومشاہداتی دلائل، صحابی کی اَحادیث ِمرویہ کی تعداد، وجہ ِ تخصیص مذاہب ائمہ اَربعہ، دیگر علوم و فنون کی اِصطلاحات کی تشریح،اَحادیث نبویہ کا صحیح محمل، اَحادیثِ منسوخہ کی مکمل بحث ، فر ضیت اَحکام کی تواریخ و شانِ نزول، فرقِ حقہ و فرقِ باطلہ