ماہنامہ انوار مدینہ لاہور مئی 2016 |
اكستان |
|
صاحب جالندھری مد ظلہم سے تعزیتی ملاقات فرما ئی اِس موقع پر حضرت مولانا صدیق صاحب کے صاحبزادے مولانا تیمون صاحب بھی موجود تھے۔خیر المدارس سے لاہور کے لیے روانہ ہوکر بعد عصر بخیریت واپس تشریف لے آئے، والحمد للہ۔ ١٥ اپریل کو شیخ الحدیث حضرت مولانا سیّد محمود میاں صاحب ،مفتی سلطان صاحب اور بھائی ناصر صاحب کی دعوت پر کرک کے سالانہ اِجتماع میں شرکت کی غرض سے سہ پہر تین بجے جامعہ سے روانہ ہوئے،رات دس بجے پشاور پہنچ گئے رات کاقیام بھائی خالد صاحب کے گھر پر ہوا۔ ١٦ اپریل کوناشتہ کے بعد محترم حاجی اَمان اللہ خان صاحب کی خواہش پر لنڈیواہ لکی مروت تشریف لے گئے جہاںآپ نے دوپہر کا کھانا حاجی اَمان اللہ خان صاحب کے گھر پر تناول فرمایا بعداَزاں اِجتماع میں شرکت کے لیے سہ پہر تین بجے حاجی اَمان اللہ صاحب کے گھر سے روانہ ہوئے مغرب کے قریب صابر آباد کرک پہنچ گئے جہاں آپ کی آمد لوگوں کے لیے مسرت اور خوشی کا باعث بنی بعد نمازِ مغرب ایفائے عہد پر نہایت مدلل بیان فرمایا۔ بھائی ناصر صاحب کے گھر پر رات کا قیام فرمایا، کرک کے گرد نواح کے جامعہ کے فضلائِ کرام اور طلباء کرام نے حضرت سے ملاقات کی۔ اگلے روز١٧اپریل کو فاضلین ِ جامعہ مولانا عبد الستار صاحب اور مولانا عبد الجبار صاحب کی خواہش پر مسجد کا سنگ ِ بنیاد رکھنے کے لیے ڈومیل بنوں تشریف لے گئے جہاں آپ نے ایک اِینٹ پر کچھ دُعائیہ کلمات پڑھ کر مسجدکا سنگ ِبنیاد رکھ کر دُعا فرمائی۔ تقریبًا گیارہ بجے ڈومیل سے براستہ پشاور لاہور کے لیے روانہ ہوئے، رات بارہ بجے بخیرو عافیت جامعہ پہنچ گئے، والحمد للہ۔ ١٣رجب المرجب ١٤٣٧ھ/٢١ اپریل ٢٠١٦ ء کو جامعہ مدنیہ جدید میں تکمیل بخاری شریف کی پُر وقار تقریب منعقد ہوئی۔اِس تقریب کا آغاز تلاوت ِقرآنِ کلام پاک سے ہوا۔ نعتیہ کلام فاضلینِ جامعہ میواتی بردران اور متعلم محمد عمر نے پیش کیا۔ اِس مو قع پر جامعہ مدنیہ قدیم کے اُستاذ الحدیث حضرت مولانا نعیم الدین صاحب مد ظلہم اور مہتمم دارُ العلوم کبیر والا حضرت مولانا محمد اِرشاد صاحب مد ظلہم اور جامعہ جدید کے اُستاذ الحدیث حضرت مولانامحمد حسن صاحب مدظلہم نے مختصر بیانات کیے۔