ماہنامہ انوار مدینہ لاہور مئی 2016 |
اكستان |
|
بقلم اَحمد نواز ،متعلم جامعہ مدنیہ جدید اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٣جمادی الثانی ١٤٣٧ھ/١٣مارچ ٢٠١٦ء بروز اِتوار بعد ظہر جامعہ مدنیہ جدید کی مجلس شوریٰ کا سالانہ اِجلاس منعقد ہواجس میںتعلیمی ، تعمیراتی اور مالیاتی اُمورپر مشاورت ہوئی ، تعلیمی و مالیاتی اُمور پر اِطمینان کا اِظہار کرتے ہوئے اَرکانِ شورٰی نے اہلِ خیر حضرات سے تعمیراتی اُمور پر خصوصی توجہ دینے کی پُر زور اپیل کی تاکہ دارُالاقامہ اور رہائشگاہوں کی تعمیر سے تعلیمی کارکردگی مزید بہتر ہوسکے، دُعائے خیر پر اِجلاس ختم ہوا،والحمد للہ۔ ٥ اپر یل کوشیخ الحدیث حضرت مولانا سیّد محمود میاں صاحب دن کے دس بجے جامعہ مدنیہ جدید سے دائرہ دین پناہ مظفر گڑھ کے لیے روانہ ہوئے راستہ میں دارُالعلوم رحیمیہ ملتان کے اُستاذ الحدیث حضرت مولانا عبد الستار صاحب مدظلہم بھی شریک ِسفر ہو گئے عصر سے قبل مدرسہ فاروق اعظم کے مہتمم مولانا سمیع اللہ صاحب حیدری زید مجدہ کے ہاں پہنچے،اِن حضرات نے حضرت مولانا سیّد محمود میاں صاحب کا شاندار اِستقبال کیا وہاں کے مقامی حضرات نے حضرت سے اِستفسادہ کیا، حضرت نے مدرسہ میں عوام الناس کو تقریبًا پون گھنٹہ بیان فرمایا اِس کے بعد سامعین کو بیعت بھی فرمایا، مغرب کی نماز کے بعد وہاں سے کبیر والہ کے لیے روانہ ہوئے ، حضرت مولانا اِرشاد اَحمد صاحب مدظلہم کی دعوت قبول فرماتے ہوئے ختم بخاری کے پروگرام میں تقریبًا آدھا گھنٹہ قیام کیا بعد اَزاںمولانا عبدالستار صاحب کی معیت میں ملتان دارُالعلوم رحیمیہ میں رات کا قیام فرمایا۔ اگلی صبح دا رُ العلوم رحیمیہ کے مہتمم حضرت مولانا اِدریس صاحب مدظلہم سے ملاقات ہوئی اور اِن ہر دوحضرات کی معیت میں جامعہ خیر المدارس ملتان کے شیخ الحدیث حضرت مولانا صدیق اَحمد صاحب رحمة اللہ علیہ کی تعزیت کے لیے تشریف لے گئے جہاں حضرت مولانا محمد حنیف