ماہنامہ انوار مدینہ لاہور مئی 2016 |
اكستان |
 |
حرف آغاز نَحْمَدہ وَنُصَلِّیْ عَلٰی رَسُوْلِہِ الْکَرِےْمِ اَمَّا بَعْدُ ! ١٣ رجب/ ٢١ اپریل بروز جمعرات جامعہ مدنیہ جدید میں صبح نو بجے سے بارہ بجے تک تکمیل بخاری شریف کی تقریب کا اِنعقاد ہوا،تقریب مختصر اور باوقار رہی، ناظمِ تعلیمات حضرت مولانا خالد محمود صاحب اُن کے معاونین اور دیگر اَساتذہ و خدام کی محنت اور مستعدی کی بدولت تمام اُمور اِنتہائی منظم اَنداز میں اَنجام پزیر ہوتے رہے والحمد للہ۔ تعلیمی ماحول اور لگن کے حوالے سے ہر سال یہ بات بھی سامنے آتی ہے کہ بعض طلباء ایسے ہوتے ہیں جوسال بھر میں ایک بھی ناغہ نہیں کرتے اِس برس دورۂ حدیث میں بھی تین طلباء ایسے تھے جن کی ایک بھی غیر حا ضری نہ تھی۔ گزشتہ بر سوں کی طرح اِس برس بھی ایک طالب علم میرے پاس آیا اور بتلایا کہ میں نے کوئی ناغہ نہیں کیا اَلبتہ سال کے شروع میں ایک دن دارُالحدیث میں جب داخل ہوا تو بخاری شریف کے ڈیڑھ صفحہ کی عبارت پڑھی جاچکی تھی جس کو میں نہ سن سکامیں چاہتا ہوں کہ کسی وقت بخاری کی یہ عبارت آپ کے سامنے پڑھ دُوں تاکہ اپنے اُستاد سے بخاری کا میرا سماع مکمل ہو جائے چنانچہ اگلے دن دارُالحدیث میں اُس نے وہ حصہ پڑھ کر اپنا سماع مکمل کیا۔