ماہنامہ انوار مدینہ لاہور دسمبر 2014 |
اكستان |
|
صاحب کی رہائشگاہ پرتشریف لے گئے اور کھانا تناول فرمایا، محترم ڈاکٹر صاحب بھی ساتھ شریک رہے اور باہمی دلچسپی کے مختلف موضوعات پر گفتگو بھی ہوتی رہی۔ حضرت نے ڈاکٹر صاحب کے اہتمام واِنتظامی اُمور کے حسن کو خاص طورسے سراہا۔ڈاکٹر صاحب نے واقعی خوب اہتمام و اِنتظام کیا تھا ۔ آخر میں حضرت مولانا سیّد محمود میاں صاحب نے محترم ڈاکٹر صاحب کو جامعہ مدنیہ جدید آنے کی دعوت دی جس پر ڈاکٹر صاحب نے خوشی کا اِظہار کیا اور اِرادہ ظاہر کیا کہ اِنشاء اللہ وہ جامعہ حاضری دیں گے۔ ڈاکٹر صاحب سے اِجازت لے کر ہم حافظ عبدالواحد خان صاحب کے گھر پہنچے اُن کے والد جناب ڈاکٹر عبدالرحمن خان صاحب ریٹائرڈ ایکسائز اینڈ ٹیکسیشن آفیسر کی اِنتہائی خواہش تھی کہ حضرت صاحب اُن کے یہاں تشریف لائیں چاہے کچھ دیر کے لیے ہی ہو، اِس لیے واپسی پرحضرت نے کچھ دیر ہمارے گھر قیام کیا اور اُس کے بعد لاہور واپسی کے لیے روانہ ہو گئے ۔ جامعہ مدنیہ جدید کے فوری توجہ طلب ترجیحی اُمور (١) مسجد حامد کی تکمیل (٢) طلباء کے لیے دارُالاقامہ (ہوسٹل) اَور دَرسگاہیں (٣) کتب خانہ اَور کتابیں (٤) پانی کی ٹنکی ثواب جاریہ کے لیے سبقت لینے والوں کے لیے زیادہ اَجر ہے ۔ (ادارہ)