ماہنامہ انوار مدینہ لاہور دسمبر 2014 |
اكستان |
 |
گزشتہ سطور میں سعودی وزیر حج کے بیان سے واضح ہے کہ حکومت ِ سعودیہ اور مجمع الملک فھد نے علمی اور زمینی حقائق کو تسلیم کرتے ہوئے ہمارے یہاں رائج اور متعارف رسم و ضبط کے مطابق قرآنِ کریم چھاپا جبکہ یہ مضمون نگار مصحف ِمدینہ نبویہ کو اُن ممالک پر بھی مسلط کرنا چاہتے ہیں جس کا پڑھنا اُن کے بس کی بات نہیں۔ نیز سعودی وزیر حج کے بیان سے بڑا حکیمانہ موقف واضح ہوتا ہے کہ اِس مصحف ِتاج کو ہی اُن ممالک میں بھیجا جائے گا جو اِس سے متعارف ہیں۔ یہی وجہ ہے کہ یہ مجمع الملک فھد عرب ممالک میں مصحف ِتاج تقسیم کے لیے نہیں بھیجتا اور پاکستان وغیرہ میں مصحف ِمدینہ نبویہ نہیں بھیجتا۔ اَلغرض مضمون نگار کا مجمع الملک فھد پر حسن ِ اِعتماد اور اُس کے طرز ِعمل سے اِختلاف عام آدمی کی سمجھ سے بالاتر ہے۔ ہم گزارش کرتے ہیں کہ خدارا ! (١) مسلمہ ٔ حقائق کو متنازع نہ بنائیں۔ (٢) زمینی حقائق کا اِدراک کریں۔ (٣) اُمت میں (اور پاکستان میں بطور ِ خاص) ایسے اِیشوز کو نہ اُچھالا جائے جس سے اِنتشار اور خلفشار میں اِضافہ ہو۔ (٤) پاکستان کے اِنتظامی اِدارے ذمہ داری کا مظاہرہ کریں اور کوئی ایسا فیصلہ نہ کریں جس کے منفی نتائج قوم کو بھگتنا پڑیں۔ (٥) رسم و ضبط کا یہ متعارف سلسلہ صرف پاکستان کا نہیں بلکہ ایک اَرب مسلمانوں کا مسئلہ ہے جہاں یہ مصحف متارف ہے لہٰذا اِس بارے میں کوئی ایسا قدم نہ اُٹھایاجائے جس سے پاک و ہند کے مسلمانوں کو دُشواری کا سامنا ہو۔ ڈاکٹر محمد اِلیاس فیصل، فاضل مدینہ یونیورسٹی رُکن مراجعہ کمیٹی مصحف ِتاج، مجمع الملک فہد لطباعة المصحف الشریف (سابقہ ) رُکن مراقبة النص مجمع الملک فہد لطباعة المصحف الشریف ز ز ز