ماہنامہ انوار مدینہ لاہور جون 2014 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ز ز ز یکم رجب بروز جمعرات صبح دس بجے شیخ الحدیث حضرت مولانا سیّد محمود میاں صاحب کشمیر ضلع باغ کے سفر پر روانہ ہوئے اور بحمدا للہ بخیریت و عافیت رات نوبجے حضرت مولانا سیّد عطاء اللہ شاہ صاحب بخاری مدظلہ کی رہائش گاہ پر قیام فرمایا۔ اَگلے دِن ٢رجب کو مرکزی جامع مسجد میں نمازِ جمعہ کے لیے تشریف لے گئے اور خطبہ اِرشاد فرمایا جمعہ کے وعظ میں آپ نے آیت ( قَدْ اَفْحَ الْمُؤْمِنُوْنَ) کے ذیل میں مفصل بیان فرمایا ۔بعد اَز جمعہ فاضلِ جامعہ مولانا عبدالکبیر صاحب کی دعوت پر بیس بگلہ غنی آباد تشریف لے گئے۔طعام اور قیام بھی غنی آباد میں فرمایا، دورانِ طعام حاجی رحمت اللہ صاحب اور مولانا محمد اَفضل صاحب حضرت سے ملاقات کے لیے تشریف لائے۔ اَگلی صبح ٣ رجب کو مدرسہ تعلیم القرآن للبنات غنی آباد میں بخاری شریف کے آخری سبق کا درس دیا، خطاب کے دوران آپ نے علم کی اہمیت فوائد اور برکات پر تفصیلی روشنی ڈالی۔ بعد نمازِ ظہر ملوٹ میں منعقدہ صوفیاء اِصلاحی و تبلیغی اِجتماع اور ختم ِ بخاری للبنات میں شرکت کے لیے ملوٹ روانہ ہوئے۔ حضرت اَقدس نے اپنے قیمتی مواعظ میں علم کی اہمیت اور دَور ِجدید میں دینی مدارس کی اہمیت پر خطاب فرمایا ۔ حضرت مولانا اَمین الحق صاحب مدظلہ کے اِصرار پر ضلع باغ میں جامعہ تعلیم القرآن تشریف لے گئے اور مولانا کی خواہش کا اِحترام کرتے ہوئے علماء ِکرام میں بعد نمازِ عشاء بیان فرمایا۔ رات کے قیام کا اِنتظام بھی جامعہ ہی میں کیا گیا تھا۔ اَگلی صبح ٥ رجب بروز پیر ''نعمان پور'' مدرسہ حسنین للبنین میں مولانا عبدالشکور صاحب مدظلہم کے ختم ِ بخاری شریف کے پروگرام میں شرکت فرمائی اور مختصر بیان میں موجودہ دور کے علمی تقاضوں کی طرف طلبائِ کرام کی توجہ مرکوز فرمائی۔ اِس کے بعد مولانا عطاء اللہ شاہ صاحب بخاری مدظلہ کے مدرسہ