ماہنامہ انوار مدینہ لاہور جون 2014 |
اكستان |
 |
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) معاشرہ کو ''سلجھانا''اُس کو'' متمول'' کرنے سے زیادہ اہم ہے آپ ۖ نے'' فکری اِصلاح ''کو ترجیح دی اُس دور میں برائیوں کا رواج تھا سزائیں نہ تھیں اِیمان کامل ہو تو اِنسان گناہوں سے بچ سکتا ہے ( کیسٹ نمبر 78 سائیڈB 15 - 11 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! جناب ِ رسول اللہ ۖ نے بیعت کے جو کلمات رکھے ہیں وہ قرآنِ پاک میں بھی اُترے اور اُس میں ہے ( اِذَاجَآئَ کَ الْمُؤْمِنَاتُ یُبَایِعْنَکَ) جب مومن عورتیں آئیں بیعت کرنے کے لیے تو اُنہیں بیعت کر لیں لیکن اِس طرح (عَلٰی اَنْ لَّا یُشْرِکْنَ بِاللّٰہِ شَیْئًا) اللہ کے ساتھ شریک نہیں کریں گی (وَلَا یَسْرِقْنَ ) چوری نہیں کریں گی، زِنا نہیں کریں گی، بہتان نہیں باندھیں گی اور اچھے کام میں تعمیل کریں گی تو پھر بیعت کر لیں ،یہ کلمات قرآنِ پاک کی سُورۂ مُمْتَحَنَہ میں آئے ہیں۔ رسول اللہ ۖ نے یہ فرمایا ہے کہ جب کوئی بدکار بدکاری کرتا ہے تو اُس وقت وہ اِیمان کی حالت پر نہیں رہتا لَا یَزْنِی الزَّانِیْ حِیْنَ یَزْنِیْ وَھُوَ مُؤْمِن وَلَا یَسْرِقُ السَّارِقُ حِیْنَ یَسْرِقُ وَھُوَ مُؤْمِن