ماہنامہ انوار مدینہ لاہور جون 2014 |
اكستان |
 |
قسط : ٣ اربعین حدیثا فی فضل سورة الاخلاص فضائل سورۂ اِخلاص ( الشیخ محمد یوسف بن عبداللہ الارمیونی ، مترجم مولانا قاری عبدالحفیظ صاحب ) حضرت علامہ جلال الدین سیوطی رحمة اللہ علیہ (م : ٩١١ھ)کے شاگرد حضرت علامہ یوسف بن عبداللہ بن سعید الحسینی الارمیونی رحمة اللہ علیہ(م : ٩٥٨ھ) کی تصنیف ''اربعین حدیثا فی فضل سورة الاخلاص''جو سورہ ٔاِخلاص کی فضیلت پر چالیس اَحادیث نبویہ پر مشتمل ہے ،اِس کا اُردو ترجمہ جامعہ مدنیہ لاہور کے شیخ الحدیث حضرت مولانا مفتی عبدالحمید صاحب رحمة اللہ علیہ(م : ١٤٢٤ھ/٢٠٠٣ھ) کے فرزند ِاَرجمند حضرت مولانا قاری عبدالحفیظ صاحب نے کیا ہے جس کی اِفادیت کے پیش ِنظر اِسے نذرِ قارئین کیا جا رہا ہے۔(اِدارہ) اہلِ قبور کے لیے پڑھ کر ثواب کرنے کی فضیلت : (١١) عَنْ عَلِیٍّ رَضِیَ اللّٰہُ عَنْہُ قَالَ قَالَ رَسُوْلُ اللّٰہِ ۖ مَنْ مَرَّ عَلَی الْمَقَابِرِ وَقَرَأَ ( قُلْ ھُوَ اللّٰہُ اَحَدْ) ثُمَّ وَھَبَ اَجْرَہ لِلْاَمْوَاتِ اُعْطِیَ مِنَ الْاَجْرِ بِعَدَدِ اللْاَمْوَاتِ ۔ (جمع الجوامع للسیوطی ج ١ ص ٨٣٧) ''حضرت علی رضی اللہ تعالیٰ عنہ سے مروی ہے کہ رسول اللہ ۖ نے اِرشاد فرمایا جو شخص قبرستان پر سے گزرے اور ( قُلْ ھُوَ اللّٰہُ اَحَد) پڑھ کر تمام قبرستان والوں کو بخش دے تو اُسے مُردوں کی تعداد کے برابر اَجرو ثواب دیا جائے گا۔ ''