ماہنامہ انوار مدینہ لاہور جون 2014 |
اكستان |
 |
تو اِمام بخاری رحمة اللہ علیہ نے کتاب الایمان کے بعد کتاب العلم کو ذکر کیا اِس لیے کہ'' علم'' ہوگا تو پھر عمل ہوگا، علم سے پہلے عمل کر ہی نہیں سکتے اور اِیمان ہوگا تو علم قبول ہوگا اِیمان سے پہلے علم قبول ہی نہیں ،اِس سے اِس کی اہمیت کااَندازہ ہوگیا کہ یہ دینی درسگاہیں دینی مدارس کتنے پاکیزہ اور کتنے اہم اور کتنے مقدس ہیں، اِن کے اِس تقدس کو مسلمان نہیں جانتالیکن کافر کو اَندازہ ہے اِن کی اہمیت کا اِس لیے اُس نے اِنہیں نشانے پر لے رکھا ہے ،پوری دُنیا میں سازشیں جوسب سے زیادہ ہورہی ہیں وہ دینی مدارس کے خلاف ہورہی ہیںکیونکہ وہ سمجھ رہے ہیں کہ یہ کارخانے ہیں لوگ یہاں سے نکلتے ہیں، یہ جو عالم آگیا اِس نے فلاں میدان میں ہمارے لیے مشکل پیدا کردی ،یہ دُوسرا عالم آیااِس نے فلاں میدان میں ہمارے لیے مشکل پیدا کردی ،یہ عالم آیا فلاں میدان میں مشکلات پیدا کر رہا ہے روڑا بنا ہوا ہے، اِنہوں نے اَفریفہ میں مصیبت بنادی، اِنہوں نے اَمریکہ میں مشکل ڈال رکھی ہے، اِنہوں نے آسٹریلیا میں مشکل ڈال رکھی ہے،اَب سوچنے بیٹھ گئے یہ روڑے یہ مشکلیں اور یہ مصیبتیں آ کہاں سے رہی ہیں ؟ اَب سوچا اُس نے، سوچا ،سوچاتو اُنہیں پتہ چلا کہ اوہ ! یہ تو مدرسوں سے نکل رہے ہیں تواَب سب سے زیادہ مضبوط سازشیں دینی مدارس کے خلاف ہورہی ہیں،سکول کالجوں سے جو(دینی تعلیمات) نکالی جارہی ہیں وہ اِسی پروگرام کا حصہ ہیں ۔ یہ اِس وقت جہنم کے گڑھے بن گئے جس میں ہم بڑے فخر سے آنکھیں میچ کر اَپنا قیمتی اَثاثہ اَولاد ،پوتے پوتیاں، نواسے نواسیاں جھونکے چلے جارہے ہیں،اللہ تعالیٰ کہتے ہیں ( یَآاَیُّھَا الَّذِیْنَ اٰمَنُوْا قُوْآ اَنْفُسَکُمْ وَاَھْلِیْکُمْ نَارًا) بچاؤ اِن کو مگرہم ڈال رہے ہیں ۔ اَولاد سے بڑھ کر متاع کیا ہوگی کسی کی کہ اُس کا بیٹا ہے بیٹی ہے پوتا ہے اُس کی پوتی ہے نواسہ ہے یا نواسی ہے اُس کو جھونک دیا جہنم میں، ایسی پٹی آنکھوں پر بندھی دُنیا کی چمک کی کہ آخرت اَوجھل ہوگئی۔ اِمام بخاری رحمة اللہ علیہ سب سے پہلے کتاب الایمان لائے ،کتاب الایمان لا کر بتایا کہ اِیمان اور اُس کے بعد سب سے ضروری علم ۔ علم کا مطلب ہے ''دینی مدارس'' کہ یہاں پر بچے کو پہلے داخل کرو ،اُسے قرآن پڑھاؤ کم اَز کم ناظرہ پورا ، اُسے دین کے ضروری عقائد سکھاؤ،دینی مسائل سکھاؤ