ماہنامہ انوار مدینہ لاہور جنوری 2014 |
اكستان |
|
(٦) اَخلاق سوز رسم ورواج ،فضول خرچی اور جرائم سے پاک معاشرہ کی تشکیل ،خاص کر شراب نوشی ،منشیات،عیش پرستی ،فحاشی ،عریانیت اور جَنین کُشی کے خلاف تحریک چلانے کے لیے ہم تمام مذ١ہب کے رہنماؤں اور مصلحانہ تنظیموں کو اِشتراک اور تعاون کی دعوت دیتے ہیں۔ (٧) ہم یہ اعلان کرتے ہیں کہ مسلکی تنازعات میں تشدد اور خونریزی اِسلامی تعلیمات کے قطعًا خلاف ہیں ۔ہم اِس معاملے میں تشدد کی سخت مذمت کرتے ہوئے عہد کرتے ہیں کہ مسلکی تشدد کو ختم کرنے میں اپنا کردار اَدا کریں گے ۔ (٨) حضرت شیخ الہند نے جامعہ ملیہ اِسلامیہ کے قیام کے موقع پر جو وقیع خطبہ اِرشاد فرمایا تھا اُس کی روشنی میں ہم اپنا فرض سمجھتے ہیں کہ ملت سے دینی ودُنیوی جہالت دُور کرنے کے لیے ہر ممکن جدوجہد کریں گے،خاص طور پر اِسلامی ماحول میں عصری تعلیم کے اِدارے قائم کرنے کی ہر ممکن جدوجہد کریں گے جیسا کہ جمعیة علماء ِہند کے سابق صدر محتر م اَمیر الہند حضرت مولانا سیّد اَسعد مدنی نور اللہ مرقدہ اِس موضوع کو مشن بنا کر پورے عالم میں پھیلاتے رہے۔ (٩) ہم یہ بھی عہد کرتے ہیں کہ اہل ِحق کے تمام دینی اِداروں اور تحریکات میں ایک دُوسرے کے معاون بن کر رہیںگے۔ ٭آخر میں ہماری دُعا ہے کہ اللہ تعالیٰ اِس اِجلاس کی برکت سے مسلمانانِ عالَم کے باہمی اِختلافات دُور فرماکر اِتحاد واُلفت کی صورتیں پیدا فرمائیں اور یہ کہ تمام مسلمان اللہ کی ذات کی طرف دل وجان سے متوجہ ہوکر اُس کی رسی کو مضبوطی سے تھام لیں یہاں تک کہ اِسلام اورمسلمان ذلت وپستی سے نکل کر عزت ورفعت کی اَوجِ کمال کو پہنچ جائیں اور سرکش طاغوتی قوتیں ہمیشہ کے لیے سر نگوں ہو رہیں۔ آمین۔