ماہنامہ انوار مدینہ لاہور نومبر 2013 |
اكستان |
 |
عمار خان کے خود تراشیدہ ضابطے : ذرا غور کیجئے ! عمار خان نے مندرجہ ذیل ضابطے نکالے ہیں جن کی بنیاد پر کوئی مجتہد یا متبحر نہیں بلکہ خود عمار خان اَور جاوید غامدی اِجتہاد و اِستنباط کر بھی چکے ہیں اَور مزید کرنا چاہتے ہیں، اُن کے اِیجاد کردہ قواعد و ضوابط یہ ہیں : 1۔ ''مقبول و مرفوع حدیث سے ایک حکم ثابت ہے۔ اِس کے علم کے باوجود اِجتہاد و اِستنباط کر کے اُس سے مختلف حکم اِختیار کیا جا سکتا ہے۔'' عمار خان کے اِس قاعدے اَور ضابطے سے سنت و حدیث کی تشریعی حیثیت جاتی رہتی ہے۔ 2۔ ''قران مجمل کی خود تعیین کرے تو وہ شرعی و اَبدی ہے اَور جو تعیین حدیث سے ہو وہ محض عرف پر مبنی ہے شرعی و اَبدی نہیں ہے۔'' عمار خان کے اِس ضابطے کی قرآن و حدیث اَور صحابہ میں کوئی دلیل نہیں۔عمار خان اَور جاوید غامدی نے محض اپنی عقل سے یہ ضابطہ بنا لیا ہے۔ اِس کی وجہ سے عمار خان منکرین حدیث کے قریب ہو گئے ہیںجو اِس بات کے قائل ہیں کہ قرآن کی تشریح ہر دَور کے تقاضوں کے مطابق ہو گی۔رسول اللہ ۖنے اپنے دَور کے مطابق کی اَور بعد والے اَپنے دَور کے مطابق کریں گے۔ 3۔ ''اِجماع سکوتی محض ظنی ہے اَور ظنی دَرجے کی یہ حجت یہ دَرجہ ہرگز نہیں رکھتی کہ اُس کی بنیاد پر قرآن و سنت سے براہِ راست اِستنباط کا دَروازہ بند کر دیا جائے۔ یہی وجہ ہے کہ اَکابر اہلِ علم کے سامنے کوئی ایسا علمی سوال آ جائے یا کوئی ایسا عملی مسئلہ اُٹھ کھڑا ہو جس کے لیے خود نصوص کی طرف رُجوع کرنے کی ضرورت پیش آجائے تو وہ '' مزعومہ اِجماع'' کو ایک طرف رکھتے ہوئے قرآن و سنت کے براہِ راست مطالعے کی بنیاد پر اُس سوال اَور اِشکال یا علمی مسئلے کے حل کے لیے نئی تعبیر یعنی نیا حکم پیش کرتے ہیں۔'' ہم کہتے ہیں کہ اَکابر اہلِ علم کی عملی روِش کیا یہی ہے ؟ ایسا بالکل نہیںہے جیسا کہ ہم آگے