ماہنامہ انوار مدینہ لاہور نومبر 2013 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٠ذی الحجہ /٢٦اَکتوبر سے عید الاضحی کی تعطیلات کے بعدجامعہ مدنیہ جدید میں تعلیم شروع ہوگئی،والحمد للہ۔ جامعہ مدنیہ جدید کے اُستاذ الحدیث حضرت مولانا محمد حسن صاحب مدظلہ ٦اکتوبر کو سفرحج کے لیے روانہ ہوئے اَور ١٧ اَکتوبر کو بخیریت واپس تشریف لے آئے،والحمد للہ۔ وفیات ٣اَکتوبر کو جناب حافظ مجاہد صاحب کی بھاوج صاحبہ وفات پاگئیں۔ ٤اَکتوبر کو قاری رفیق اَحمد صاحب کی والدہ صاحبہ طویل علالت کے بعد سرگودھا میں وفات پاگئیں۔ ١٣اَکتوبر کو محترمہ عمارہ خاتون طویل علالت کے بعد وفات پاگئیں۔ ٢٥اَکتوبر کو کراچی کے بھائی آفتاب حسین صاحب کی والدہ محترمہ وفات پاگئیں۔ ٢٧ اَکتوبر کو اَلحاج محمد شعیب صاحب عباسی کے بڑے بھائی مری میں رِحلت فرما گئے۔ اِنَّا لِلّٰہِ وَاِنَّا اِلَیْہِ رَاجِعُوْنَ اللہ تعالیٰ جملہ مرحومین کی مغفرت فر ماکر جنت الفردوس میں اَعلیٰ مقام عطا فرمائے اَور لواحقین کو صبرِ جمیل کی توفیق نصیب ہو۔ جامعہ مدنیہ جدید اَور خانقاہِ حامدیہ میں جملہ مرحومین کے لیے اِیصالِ ثواب اَور دُعائے مغفرت کرائی گئی اللہ تعالیٰ قبول فرمائے ،آمین۔