ماہنامہ انوار مدینہ لاہور جولائی 2013 |
اكستان |
|
گلدستۂ اَحادیث ( حضرت مولانا نعیم الدین صاحب ،اُستاذ الحدیث جامعہ مدنیہ لاہور ) تین قسم کے لوگوں کی آنکھیں جہنم کو نہیں دیکھیں گی : عَنْ بَھْزِ بْنِ حَکِیْمٍ عَنْ اَبِیْہِ عَنْ جَدِّہ قَالَ قَالَ رَسُوْلُ اللّٰہِ ۖ ثَلَاثَة لَاتَرٰی اَعْیُنَھُمُ النَّارَ، عَیْن حَرَسَتْ فِیْ سَبِیْلِ اللّٰہِ ، وَعَیْن بَکَتْ مِنْ خَشْیَةِ اللّٰہِ ، وَعَیْن غَضَتْ عَنْ مَّحَارِمِ اللّٰہِ ۔ ( مُعجم طبرانی کبیر ج ١٩ ص ٤١٦ رقم الحدیث ١٠٠٣) حضرت بہز بن حکیم اَپنے والد کے واسطے سے اَپنے دا دا سے روایت کرتے ہیں کہ رسولِ اَکرم ۖ نے فرمایا تین قسم کے لوگ ایسے ہیں جن کی آنکھیں جہنم کی آگ نہیں دیکھیں گی : (١) وہ آنکھ جو اللہ کی راہ میں بیدار رہی ہو(٢) وہ آنکھ جو اللہ کے خوف سے روئی ہو (٣) وہ آنکھ جو اللہ کی حرام کردہ چیزوں کے دیکھنے سے رُک جاتی ہو۔ تین شخصوں کی توہین کرنا منافق کا کام ہے : عَنْ اَبِیْ اُمَامَةَ عَنْ رَسُوْلِ اللّٰہِ ۖ قَالَ ثَلَاثَة لَا یَسْتَخِفُّ بِھِمْ اِلَّا مُنَافِق ذُوالشَّیْبَةِ فِی الْاِسْلَامِ ، وَذُوالْعِلْمِ، وَاِمَام مُقْسِط۔ (معجم الطبرانی کبیر ج ٨ ص ٢٠٢ رقم الحدیث ٧٨١٩ ۔ معجم الزوائد ج ١ ص ١٢٧) حضرت اَبو اُمامہ رضی اللہ عنہ سے روایت ہے کہ رسولِ اکرم ۖ نے فرمایا : تین اَفراد ایسے ہیں جن کی توہین و تذلیل بجز منافق کے اَور کوئی نہیں کرتا (١)حالت ِ اِسلام میں بوڑھا ہونے والا (٢) عالم ِ دین (٣)اِنصاف پرو رحکمران۔